- 4 -
Om't eltsenien yn Fryslân achte wurdt it Nederlânsk te ferstean,
kieze wy foar it bruken fan dizze taal by it opmeitsjen fan
algemien ferbinende regels, it publisearjenfan wetlik foarskreaune
iepenbiere meidielings, ensfh.
By yndividuele beskikkings kin it Frysk en it Nederlânsk brükt
wurde, om't de taalkar dan op de persoan ôfstimd wurde kin.
Wat it opmeitsjen fan oersettings oanbelanget binne wy it
mei it rapport iens, dat der oer it generaal nei twa jier
wenjen yn Fryslân net mear oan begün wurde moat. Utsûnderings
binne lykwols net útsluten.
c. Utgongspunten by de produksje_fan_oerheidsstikken.
Wy kinne ús fine yn de fiif útgongspunten fan de wurkgroep
(frijheid fan taalkar, folgjend taalgedrach, bestimming, rjochts-
beskerming en kontinuïteit)Op it punt fan de bestimming
wolle wy noch wat fierder gean as it einrapport, ntl. dat
ek oan partikulieren yn Fryslan fan wa't fierder neat bekend
is, Frysk skreaun wurde mei. Dizze útwreiding kin wer beheind wur
de troch it foargeande begjinsel fan de rjochtsbeskerming.
Sa't wy Onder b al oanhellen, binne wy it op dit punt net
alhiel iens mei it einrapport. As in dokumint rjochtsgefolgen
hawwe kin foar in yndividu en der is neat bekend oer de taalsi—
tuaasje fan de persoan dy't oanskreaun wurde moat, dan fine
wy dat it Nederlânsk brûkt wurde moat. Wy binne derby wol
fan betinken, dat net te gau oannommen wurde moat dat dokuminten
rjochtsgefolgen hawwe kinne. Wy wolle de ientalich Nederlanske
stikken beheine ta de algemien ferbinende regels, ^de wetlik
foarskreaune publikaasjes, de fergunnings en de Ontheffings
(de léste beide meie ek yn it Frysk, as bekend is dat de untfanger
Fr.ysktalich is).
Wy binne it iens mei de gedachte fan it einrapport, dat in
beliedsplan opsteld wurde kin troch de gemeenten. It is gjin
ferplichtingmar om't it mear dúdlikheid jaan kin oer it
taalbelied fan de gemeente binne wy wol fan doel in sadanich
plan op te stellen en oan jimme foar te lizzen.
d. Finansjele aspekten/personielsbelied.
Wy fine dat der in subsydzjeregeling komme moat foar gemeenten
dy't oergeane ta it brüken fan (mear) Frysk yn it bestjoerlik
ferkear. As it jild net út Den Haach komt, binne wy fan betinken
dat it provinsjaal bestjoer te Ljouwert hjirta jildmiddels
frijmeitsje moat. Hoet sa'n subsydzjeregeling der ^útsjen
moat, witte wy op dit stuit sa net, mar dat kin neier utwurke
wurde. Wy fine dat yn alle gefallen yn de kosten fan it meitsjen
fan in beliedsplan bydroegen wurde moat en fierder dat yn
in oergongsfaze in subsydzje beskikber steld wurde moat foar
it yn tsjinst nimmen fan in oersetter.
Wy fine fierders dat de gemeente seis stean moat foar it befoar-
derjen fan de kennis fan it Frysk yn it amtlik apparaat.^ De
foarming en oplieding is tige wichtich. Wy sil^e der op oantrunje
dat safolle mooglik amtners de Fryske taalkursussen folgje.
By it beneamingsbeslút sille wy yn guon situaasjes it as in
pree beskôgje, as in te beneamen kandidaat it Frysk behearsket
(mûnling of skriftlik), ôfhinklik fan de situaasje.
