- 8 -
De hear Van der Baan seit itfolgjende:
"Graach wol ik in koarte taljochting en ferantwurding jaan by de moasje oangeande
it bekoartsjen fan de aaisikerstiid. Dat wy ús sa drok meitsje oer dat ünderwerp
hat syn oarsaak. It aaisykjen is nammentlik in stik geef Fryske kultuer en is
bewoartele yn it folk fan Fryslân: dêrfandinne de bining folk, fûgels, lân, boer,
natuer. Doe't yn de jierren fan de léste wrâldkriich de fûgelatânal mar ôfnaam,
wiene it krekt de aaisikers dy't de koppen by elkoar stieken en rjochten fügel-
wachten op, want it wiene "har" fûgels ommers?
Ja, en dan geane de earste fingerkes al omheech. Dat is eigen belang! Lit dat dan
sa wêze, mar is it net moai dat eigen belang strykt mei en ynpast wurde kin yn it
algemien belang foar fügel- en natuerbehâld?
Fryslân, wat in ynset. Rûchwei 2.000 man binne ree sa'n 50.000 ha te "begelieden"
(neisoarch) en it tal minsken sawol as it tal hektaren nimt alle jierren ta.
De measte boeren hawwe yn de maaitiid de hannen fol oan it wurk en binne bliid
mei de help fan de fügelwachterswant fierwei de measte boeren by ús binne "fügel-
minded"Wat hjir bart is unyk en de "Nederlandse Vereniging tot bescherming van
Vogels" besiket dat wurk yn gearwurking mei de B.F.V.W. ek bûten Fryslân fan de
grûn te krijen.
Algemiene wurdearring foar it wurk fan de Fryske aaisikers. Lykwols fine se yn
Den Haach wat oars út want se tinke dat it better kin: it aaisykjen ferbiede of
sadanich ynkoartsj^e (3 april) dat der neat mear fan oerbliuwt.
Soks is it begjin fan de ein, want oer in stikmannich jierren sil in wichtich
areaal oan saakkundigens ferdwine. Optimale neisoarch is allinne dan mooglik as
men oer dy kennis beskikt. Boppedat sil it folk ünferskillich wurde yn dy sin
fan: "As se it yn Den Haach dan better witte, lit harren it dan mar opknappe".
Om koart te gean, in tige negative ûntjouwing.
Dat it aaisykjen in gefaar foar de fûgelstân ynhâlde soe wurdt sawol troch
pref. dr. Klomp as drs. Beintema ûntstriden. Beide hearen hawwe op dit mêd it
meast oan ündersyk dien yn Nederlân. Hja sizze dat - sa as it aaisykjen no bart -
it folslein gjin skea docht oan de stân fan de greidefügels
Kenners yn Fryslân binne oer it generaal fan betinken dat it sykjen foardielen
jout. Troch it sykjen oan 12 april ta wurdt it útkommen fan de earste jonge
fügels om sa mar te sizzen opskood. Ut ündersyk fan Beintema hat bliken dien
dat 10°C foar jonge fügels de uterste grins is om te oerlibjen.Nlj"sgjirrich en
opfallend is dat yn tsjinstelling mei it "frije" fjild de fûgelstân yn de Fryske
reservaten efterút giet. Nei alle gedachten is dat it gefolch fan ûngeunstige
klimatologyske omstannichheden by it útkommen fan de earste jonge fügels. Sa
leit de saak yn koart bestek der foar.
Dêrfandinne ús moasje, dy't mei in oantrún foarmje kin om de Haachse regearders
ta oare gedachten te bringen.
De tekst fan de moasje is as folget:
'De ried fan de gemeente Boarnsterhim op 20 novimber 1984 yn gearkomste byinoar,
hat him op'e hichte steld fan de plannen fan in nije fügelwet.
Hy nimt derby yn omtinken:
- dat it aaisykjen de lju nauwer behellet by de neisoarch en harren ek saakkundiger
makket
- dat troch dy saakkundigens in goede neisoarch feilich steld wurdt;
- dat dy neisoarch (benammen ek troch de yntinsivearring fan de lânbou) fan
wêzentlik belang is foar de stân fan de greidefügels;
- dat alle jierren mear as 2.000 frijwilligers harren dwaande hâlde mei dy neisoarch;
- dat mei it bekoartsjen fan de aaisikerstiid oant 3 april dy neisoarch fuortfalle
sil;
- dat soks in minne ynfloed hawwe sil op de stân fan de greidefügels;
- dat de nije fügelwet soks nea ta doel hawwe kin;
- dat der gjin biologyske arguminten foar hannen binne dy't it ferbod fan it
ljipaaisykjen stypje.
Hy stiet der op oan dat, op grûn fan boppeneamde arguminten, it regear en it
parlemint de slutingdatum foar it ljipaaisykjen hanthavenet op 13 april foar
de provinsje Fryslân en freget it kolleezje foarneamd útstel troch te jaan nei