De buorden binnen aardich skansearre en soene yngeand opknapt wurde
moatte. Dit leannet neffens ús net de kosten, sadat wy jimme útstelle
teffens in kredyt beskikbar te stellen fan 7.150,ynklusyf
b.t.w., foar it op ny oantúgjen fan skoalbuorden en gerdinen. De
rinte en ôfskriuwing fan dit bedrach wurdt yn de begrutting opnaam
en kin foar 1985 noch ten leste fan de post "ûnfersjoene útjeften"
brocht wurde.
Fierders is der in begrutting makke foar ferfanging fan learlingensets
en dosintenburosLearlingensets en dosintenburo1s binnen yn 1970
oantúgd en oer it generaal noch goed brûkber. Der binne miskien
wol inkelde eksemplaren dy't skansearre binne, mar it gros is noch
net oan ferfanging ta neffens ús betinken. Wol sil de tsjinst
gemeentewurken oan it ein fan dit jier mei in ynventarisaasje
komme oer de kwaliteit fan it op de iepenbiere basisskoallen oanwezige
meubilêr. Dan ek sil besjoen wurde, wat der nij oantúgd wurde moat
en yn hoefier meubilêr dat fersliten is, oanfolle wurde kin mei
materiaal fan in oare skoalle. Yn dit ramt sil dan ek it meubilêr
fan de iepenbiere basisskoalle fan Raerd neier bejoen wurde. Bedoeling
is, dat alle skoallen fan behoarlik meubilêr fersjoen binne.
Gearfetting: wy stelle jimme ried út krediten beskikber te stellen
fan 24.424,(foar de ynrjochting) en 7.150,(foar nije
skoalbuorden en gerdinen)It konsept-riesbeslút leit by de stikken
om yn te sjen.
Boargemaster en wethâlders fan Boarnsterhim,
de siktaris, de boargemaster,
P.H. Starreveld. B.G. Holtrop