- 9 -
fan oertsjûge dat dat gedachten oer dat men op it fuottenein fan de
gemeente leit en lizzen bliuwt en dochs alles mar nei de twa grutte
doarpen giet, foarkómtv~ Foar de ried is it tinkt ús, ek fan grutte
betsjutting. De ried komt dan in bytsje of fan it gefoel mei in hap-
snap-belied dwaande te wezen. As wy dit goed útwurkje witte wy alle
jierren krekt wat der yn de ferskate doarpen barre sil. As it wichtichste
hjirfan sjogge wy it mei dragen fan ferantwurdlikens fan de ynwenners
fan de doarpen foar harren doarpen en dat is eat wat eins folie wichtiger
is as ien kear yn 'e fjouwer jier it útbringen fan in stim. Ek foar
it bestjoer sil dit fan tige grut belang wêze. Men wit wat de winsken
binne en wat der mei de beheinde middels barre kin.
Bestjoer
Faker as ien kear is it bard dat in bestjoer dat te folie saken tagelyk
oanpakke woe of foar tefolle dingen tagelyk soargje woe, him ier of
let seis tsjin kaam mei alle gefolgen dy't dat hawwe kin. Wy soene der
dan ek foar pLeitsje wolle dat de gemeentlike oerheid him safolle mooglik
mar mei syn eigen saken dwaande hâldt. No, twa jier nei de weryndieling
blykt dúdlik dat we der noch lang net binne. Dit blykt Onder oaren út
de kwestje fan de regio's. Wat de foarsitter hjir fan sein hat, as soe
de ried wat dit oanbelanget en dus ek oare saken lichtfeardich in beslút
nommen hawwe, fersmite wy fier. Jo kenne lyk as wy de eftergrûn fan
dizze histoarje. Yn 't foarste plak moatte jo yn dit gefal sjen nei
in provinsje dy't net út 'e rie komme kin en nei in gemeente dy't mient
dat hja de baas wêze moat en dus op macht út is. De gefolgen fan dit
hiele gedoch jouwe ús in bulte soarch mar ek de hjirby belutsen minsken
en ynstânsjes. Dit gedoch sil wiswier net yn 'e boeken beskreaun wurde
as foarbylden fan goed bestjoer, mar folie earder as foarbylden fan
hoe 't it net moat, fan ûnsoarchfâldich bestjoer dus.
Mar ek binnen it apparaat fan de gemeente seis bliuwt wat dit oanbelanget
best noch wat te winskjen oer. It bart nammentlik te faak dat útstellen
foar de ried falhiel of foar in part werom nommen wurde. Wy fine dit
in tige minne saak. It jout de yndruk dat der te hastich wurke wurdt
en dat eat noch gau efkes moat, allegear yndrukken dy't stridich binne
mei in goed en soarchfâldich bestjoer.
Wy binne bliid dat de kwestje fan it ûnderdak bringen fan ús amtlik
apparaat no út 'e wei en regele is, lykwols útsein in lyts part fan
de tsjinst gemeentewurken.
Like bliid binne wy dat alles wat him rûnom it personiel ôfspile hat
oan 'e kant is. Wy kinne ús likernôch alhiel goed yntinke dat in grut
part fan ús amtners har bedrige field hawwe en miskien noch fiele.
Wy pleitsje der foar dat yn dizze Qntjouwing hieltiten wer earst sjoen
wurdt nei de minskeIt is net oan eltsenien jûn de feroarings goed
op te fangen en te ferwurkjen. Net eltsenien sil in teloarstelling maklik
ferwurkje kinne. Alles hat dochs te krijen mei in wurdearre stoel, dêr't
de iene him better op thús fielt as de oare, dy't de iene ek better
past as de oare en dêr't de iene him ek better op ferkeapet as de oare.
Wy freegje bliuw ús minsken as minsken sjen en jou harren de mooglikheid
fan harren stoel in sit te meitsjen.
Yn dit ferbân - it is opt lést it haadstik bestjoer - wolle wy noch
efkes werom komme op in koartlyn nommen riedsbeslút oer de brânwacht-
garaazje te Raard. Wie it no wier sa'n grutte muoite efkes in lyts
konsultatyf-referindum te halden Onder fjouwer fraksjefoarsitters? Wie
dêrmei net te foarkommen dat de ried der neat fan wist? It is sa'n lytse
muoite, it jout gjin argewaasje en it leveret gjin wrantelige antwurden
en reaksjes op sa't dy no jûn binne en west hawwe.
De regio.
Lit ús hoopje dat de nije regio langer libje mei as de regio 'Schoter-
werven'. Wy binne fan betinken dat wy fan de nije regio earst mar net
mear êfnimme moatte as it minimale pakket oan foarsjenningsDe kat
earst mar ris út 'e beam sjen en goed hifkje hoet it leit mei de kosten
