- 12 -
Gjin foarrang, foar nimmen, allegearre like folie kâns, ek der wêr't
al wurk is. En dan wurdt dat ôfdien mei frjemd liberaal gedoch. Wy witte
net foar wa't de slogan "eerlijk delen van arbeid en inkomen" bedoeld
is, mar yn elts gefal net foar de betinkers derfan. Lykas wol gauris
bliken docht moatte oaren it dwaan, it útfiere, it neilitte en it betelje.
Spitich, tige spitich.
Hjirby dringe wy nochris oan op sifers fan it Projekt Minsken Sûnder
Wurk. Wy binne ree minsken oer alle boegen te helpen, mar alearen wy
der fierder mei geane, wolle wy perfoarst earst witte hoe't dit projekt
der foar stiet en wat de minsken der oan hawwe. Yn elts gefal wolle
wy hjir al dúdlik stelle dat wy bygelyks der tsjin binne dat oan minsken
kompjûterles jûn wurdt dy't seis jild genôch hawwe in kursus te beteljen.
Sa't it no bart is te gek om los te rinnen.
Sport
It liket ús in goede saak de akkommodaasjes by de sportfjilden oan sport-
stiftings oer te dwaan. De belutsenheid fan de minsken fan dy stiftings
is fakentiids direkter, wêrtroch in effektiver behear en ûnderhâld mooglik
Wy binne lykwols net fan betinken dat troch dit soarte oerdrachten de
ferienings yn 'e swierrichheden komme moatte. Wy bedoele hjirmei dat
buten de selswurksumens fan de leden fan de stiftings in grut finansjeel
offer freget wurdt fan de ferienings.
Fierder binne wy fan betinken dat de tastân fan de sportfjilden yn Grou
der min oan ta is en dat wy omsjen moatte nei oare mooglikheden. Miskien
is der wol eat te meitsjen yn de buert fan de Twine. Alteast sadanich
dat de akkommodaasje fan de Twine mei brûkt wurde kin. Fierder binne
wy fan betinken dat de sportfjilden sa goed mooglik ûnderhâlden wurde
moatte, der sit in bulte mienskipsjild yn. Wy hawwe der noed foar te
stean.
Wat de wettersport oanbelanget wolle wy nochris wize op it meitsjen
fan in ienfâldich surf- en parkearplak oan de Mardyk by de Snitsermar
en oan de Krüme Grou yn kombinaasje mei de brêge oer de Jirnsumer syl
en de Reinerswei.
De Fryske taal
De Fryske taal dy't no likernôch 2000 jier bestiet, is yn en bûten ús
gemeente, yn en buten ús provinsje nochal nei foaren kommen, sawol posityf
as negatyf.
It is krekt sa't jo sizze dat bûten de riedseal en yn dit gefal ek yn
de riedseal der noch al risoars tocht wurdt. As hja dat sa sizze foarsitter
en as jo sizze dat it net hâlden fan in referindum om't dat net passé
soe yn 'e gemeentlike demokrasy, in kar is fan de ried dy't ús boargers
net begripe, mei yn ferbân mei it wol wollen fan in oar referindum,
dan bejouwe jo jo op in mêd dêr't jo gjin stap fierder komme, ek al
om't oer dy gemeentlike demokrasy sa nea praat is. Altiten en oeral
sille der minsken wêze dy't eat net begripe - of eat bewust net wolle
en dat is hiel wat oars - en oaren dy't it wol begripe. Nei ús betinken
liede dit soarte fan opmerkings en as jo wolle evaluaasjes ta neat.
En al hielendal net as de ried in saak behannelet dêr't de derby belutsen
kommisje fan sein hat: oergean ta de Fryske plaknammen. En ek net as
de Ferienings fan Pleatslik Belang it foar in grut part ôfwitte litten
hawwe. Der hie fansels best in referindum hâlden wurde kinnen. Mar soe
dat wat opsmiten hawwe? It is mar krekt hoet de saak oan- en ynklaaid
wurdt. De takomst sil leare oft dit beslút goed of net goed west hat.
Miskien jouwe de minsken oer 2000 jier dy't it dan foar it sizzen hawwe,
wol wer de nammen dy't no ferdwine sille.
Wat no oan 'e oarder is, is dat wy no trochgean moatte mei it wurk dat
op ús wachtet en wat yn de takomst ferhoalen leit. It stiet fêst dat
oft wy no Fryske of Nederlânske plaknammen wolle, dat der yn elts gefal
gjin ynfloed op hawwe mei.
