- 16 -
Sûnder in libjend demokratysk bewustwêzen dat der fanút giet dat alle
minsken foar de wet gelyk binne en rjocht hawwe op gelikense behertiging
fan harren belangen en prinsipes, is de formele demokrasy foar de dea
opskreaun. Tsjin dizze eftergun is in boargemaster dy't op grûn fan
syn funksje boppe de partijen heart te stean.mar him dúdlik profilearret
op kosten fan in wichtige politike streaming, dy't ek yn dizze ried
fertsjintwurdige is, de beste reklame foar in keazen boargemaster.
Oer de begrutting kinne wy koart wêze. Wy stelle fêst dat it wer in
opsomming fan feiten en saken is, allinne rjochte op de sanearring fan
it "erfskip" grûnbedriuw. Neffens ús is der o sa'n ferlet fan goede,
eigen struktuerplannen dy't in fûnemint lizze moatte foar in eigen
gemeentlik belied nei de takomst ta. It soe dêrom in goede saak wêze
om op koarte termyn dy plannen te ferwêzentlikjen. De nije gemeenteried
draacht op dat stik fan saken in swiere ferantwurdlikheid.
It jier 1985 hat benammen foar ús amtners wer in dreech jier west. It
sil ek yn 1986 net tafalle. Dochs binne wy meiinoar op paad en wolle
wy al dy amtners dy't harren mei ynmoed ynset hawwe foar ús gemeente,
tank sizze foar harren wurk. As ynkoarten it Frysk yn it offisjele ferkear
ynfierd wurdt, hoopje en betrouwe wy op deselde ynset fan dy amtners,
dy't op dizze wize harren tsjinstberens oan de mienskip stal jaan kinne.
As F.N.P.-fraksje winskje wy it kolleezje, en strak de nije ried, en
alle boargers fan Boarsterhim in sûn en goed 1986 ta.
Ik beslút' dizze skôgings mei in rymstikje dat stien hat yn de Mid
Frieslander
De stim fan Boarnsterhim.
Aid en earm, mar noch tige sûn
Libje de Friezen op har grûn
Frijunferfeard, net beskamme
Stride hja foar d'âlde nammen.
Nei it útstel fan b. en w.
tsjinakseljen fan P.T.T.
Hat de ried polityk bedreaun
Plakken wurde yn 't Frysk no skreaun.
Keardels út ien stik sizze ja!
Gjin geseur en gjin striderij
Fryske nammen moatte wy ha
Fryske nammen hearre der by.
Tenei prate wy oer Jirnsum
Aldeboarn, Grou, Nes en Akkrum
TerherneWarten en Warstiens
Wergea, Dearsum, Tersoal en Friens.
Poppenwier, Roardhuzum en Raard,
Sibrandabuorren en Idaard.
En Eagum tige lyts as plak
Kriget likegoed syn gerak.
Rûnom by de lytse folken
Folget men dizze earestriid
En mei in geunstich risseltaat
Is men dêr ek omrake bliid
Dy echte en geve nammen
Eigen oan de âlde stammen
Friezenfolk, harkje nei de stim
Dy't helder klinkt út Boarnsterhim!'