- 21 -
Sprekker is mei de foarsitter fan betinken dat yn de earste ôfdieling
en mei fertsjintwurdigers fan de Pleatslike Belangen goed bepraat wurdt
hokker wurkwize der folge wurde moat om in goed oerlis tusken gemeente
en doarpen te krijen oer de winsken en ferlangens en de moogelikheden
dêrta.
It rekreaasjebelied sa't it kolleezje dat de leste tiid fierd hat fynt
hy tige goed. It is dan ek net ferkeard dat as men in goed produkt leveret,
dat der in goede priis foar frege wurdt. Sadwaande hat syn fraksje ek
gjin inkelde muoite mei de toeristebelesting. It is net ridlik dat de
eigen ynwenners betelje moatte foar de foarsjennings dy't benammen foar
de toeristen ornearre binne. As men it útsykje soe, dan soe bliken dwaan
dat seis mei heffing fan toeristebelesting de ynwenners dochs noch in
grut part oan de foarsjennings bybetelje.
Wat de foarsitter oer dy minister fan definsje oanhelle, wie net alhiel
goed. Dat wie de hear Vredeling en dy hie sein dat in partijried gjin
strieljeiers keapet. Dy man hâlde him jerne dwaande mei flitsende saken.
Yn it sosjaal-ekonomysk barren fan de leste fjouwer jier is dúdlik de
striid te fernimmen tusken it oerein hâlden fan wurkgelegenheid en keap-
krêft en de lesten dy't dochs earne op ôfskood wurde moatte. Wurde dêrby
de earmen hyltyd earmer en riken hyltyd riker? Ek dat sil by de kommende
ferkiezings in rol spylje. Run de ieuwiksel spile dit probleem ek en
der is efternei wol sein dat de skoalstriid yn dy tiid oangien is om
de minsken fan dat oare fûnemintele probleem of te hâlden. Der docht
dy útspraak fan de foarsitter him no ek in bytsje oan tinken. De grûn-
rjochten fan it ûnderwiis lizze fêst. Yn it kongres fan de P.v.d.A.
dêr't dy útspraak dien is, stie de situaasje yn de súdlike provinsjes
sintraal. Dêr is it sa dat de tsjerke noch in grutte ynfloed hat en
dy ynfloed fergrutsje wol. Dêr is tsjinyn gien, mar yn de parse is dat
opblaasd en dêrtroch by in protte minsken ferkeard oerkaam.
Ek mei de P.v.d.A. oan it bewâld sil der besunige wurde moatte. Allinnich
is dat dan net rjochte op de swakkeren, mar op oare groepearringsIt
doel is ek om te soargjen dat op langer termyn manlju en froulju meiinoar
alle wurk dogge. Der sil gjin krisispolityk fierd wurde, dy't minsken
yn in minder goede posysje pleatst om dan nei in gelegenheidspolityk
te gripen fan famylje sintraal. Manlju en froulju beide ferantwurdlik
en dat is in fûneminteel ferskil fan ynsjoch.
Wat it fuortset ûnderwiis oanbelanget fynt sprekker dat it kolleezje
dochs besykje moat om it oerlis tusken Grou en Akkrum yndied goed op
gong te krijen. De útspraak dat de druk fan de tsjettel is, docht der
oan tinken dat dêr dan net mear sa hurd efteroan rûn wurde sil, mar
it is dochs tige wichtich dat Midden- Fryslân wat dat oangiet ien foar-
sjenningepakket oanbiede kin. Slagget it net om dy foarsjenning hjir
te halden dan bliuwt der neat oer, om't de skoallen yn Hearrenfean,
Snits, Drachten en Ljouwert sa klear steane om de learlingen oer te
nimmen. It kolleezje moat dêrom it oerlis fan de grun bringe en der
moat net frijbliuwend praat wurde, mar der moat oer fusearring praat
wurde om te foarkommen dat wy dizze foars jenning kwyt reitsje. It kostet
ek noch gjin jild, dus dêrom hoecht it net oer te gean.
Sprekker kin gjin foarbylden neame fan gefallen dêr't in boarger net
yn holpen wurden is troch in êfspraak buten de gebrûklike oeren. Hy
woe dêrmei allinnich oanjaan dat de siktary wol dat belied fiere moat.
Iepenstelling op keapjûnen of soksawat smyt neat op en kostet allinnich
mar jild. It moat net oan de amtners oerlitten wurde oft dy al of net
immen bûten de gebrûklike oere te wurd stean wolle, mar it kolleezje
moat dat dúdlik as belied oanjaan.
It liket sprekker ta dat yn it ferline yn alle rieden wol faak itselde
ferhaal oer de stiigjende gaspriis halden is. De keppeling fan gaspriis
oan húsbrân-oalje moat los litten wurde. Wenlêsten en fynplakfoardiel
soene in rol spylje moatte by de gearstalling fan de priis. It stânpunt
fan de VEGIN is op dit stuit dat de priis keppele wurde moat oan de