- 2 -
2. Algemene beschouwingen.
De hear Van den Berg seit it folgjende:
'Boarnsterhim wurdt alwer in gewoante. It is de tredde kear dat der
algemiene skôgings hâlden wurde.
Lykas de oare kearen wolle wy it kolleezje en de amtners tankje foar
it wurk dat hja dien hawwe.
Tûzen en ien dingen binne wer bard yn ús gemeente, of sille barre. De
gemeente Boarnsterhim heart ta de gruttere bedriuwen yn ús gebiet. Wy
binne wiis mei dat bedriuw, om't wy in wichtige ynbring hawwe yn de
opset en de organisaasje dêrfan.
Tûzen en ien dingen, dien foar de ynwennersDy steane sintraal yn ús
bedriuw. Der binne wy foar.
Dy ynwenners hawwe alwer in lange tradysje yn it kiezen foar de P.v.d.A.,
want de P.v.d.A. kin yn Boarnsterhim op sawat de helte fan de kiezers
rekkenje. In goede gewoante, in goede kar, dy't nei wy hoopje ek no
wer op ús takomt.
C.D.A. en V.V.D. kinne net goed út 'e fuotten mei de mearderheidsposysje
fan de P.v.d.A. yn Boarnsterhim. Hja binne it ommers yn 90% fan de
gemeenten oars bewend.
De P.v.d.A. Boarnsterhim wurket yn it kolleezje gear mei it C.D.A. Wa't
dy situaasje serieus folget, wit ek dat der wier gearwurke wurdt. En
net, sa't wy yn oare gemeenten (en it lân) winskjen (en fersuchtsjen)
bliuwe: wie dy rjochtse mearderheid marris fuort. Lykwols kinne jo fer-
nimme dat it C.D.A. Boarnsterhim somtiden op it omkearde hopet. Wy kinne
dat wol begripe, mar wy hoopje dat hja net gelyk krije, want dat is
al fierstente faak it gefal yn dit lân.
It liket dat de V.V.D.dy't de léste jierren in meirinner is yn it
rjochtse barren yn Nederlân, der ûndertroch gean sil. Dat hja Wiegel
wer nei foaren helje, kin dêr net folie oan feroarje.
Yn de ried fan Boarnsterhim rjochtet de V.V.D. him yn de opposysje foaral
tsjin de P.v.d.A., faak op in tige polarisearjende wize, dy't men fan
in V.V.D. net ferwachtsje soe. Krekt dêr soe in wat saakliker opstelling
tige wichtich wêze, om't wy it meiinoar dwaan moatte, ek yn Boarnsterhim.
De F.N.P. bringt net in protte nijs yn Boarnsterhim, is meastentiids
tsjin en jout in bytsje alternativen. It is in taaipartij, dy't besiket
yn dizze ried sa goed mooglik mei te dwaan. It opkommen foar de taal
hat ús sympaty, mar it nasjonalisme dat út en troch nei boppe komt,
net
Lykas al sein is, moatte de partijen it meiinoar dwaan en dat bart oer
it generaal ek wol yn Boarnsterhim. Wy pleitsje der foar dat it meiinoar
tsjinjen fan de belangen fan de ynwenners fan Boarnsterhim foarop stean
moat en wy roppe alle partijen op dêr oan mei te wurkjen.
Twa jier Boarnsterhim hat al hiel wat oplevere. Fansels binne der saken
dy't net hielendal goed gien binne mar krityk is gau levere (túch, stegers
it Frysk) Soks komt gau yn 't nijs, earder as de goede saken dy't ek
dien binne.
De begrutting 1986 is mei in protte muoite slutend ôfsletten troch it
kolleezje. De drastyske besunigingen fan it kabinet Lubbers-van Aardenne
hawwe it foar Boarnsterhim net maklik makke. Dêrtroch-'i en ,-omhinne spylje
saken as it sön meitsjen fan it grûnbedriuw en de grutte stiging fan
de eigen gemeentlike bydrage oan de bystân, om mar wat te neamen.
Netts jinsteande dat is it kolleezje der yn slagge om de stiging fan
de ûnreplikguodbelesting werom te bringen fan 5% nei 3%. By it útstel
yndertiid hiene wy al oanjûn dat it ús minimumbetingst wie dat de belesting
net mear stige mocht as de stiging fan de kosten fan libbensûnderhâld
en dat liket te slagjen. De óf rune twa jier hat de ried de stiging op
0% hâlde kind. It is net ferantwurde om dat no wer te dwaan. Bënarrmennet
sjoen de takomst dêr't in protte swierrichheden yn oanpakt wurde moatte.
