-36-
Bladzijde 77:
Mefrou S. Zijlstra freget oft oan te jaan is op hokker termyn der
mear dûdlikheid is oer oan- as nijbou yn Grou.
Wethilder mefrou Bloem seit dat dizze skoallen noch net op it
bouprogramma steane. De kwaliteit fan de dislokaasje is wol sa
dat der besocht wurde moat dizze skoallen wat mear nei foaren te
heljen.
Dêr spilet it probleem fan de leegstân trochhinne. It ryk rekket
op dit stuit jild ta op basis fan oantallen learlingen en
formaasjeplakken. Dat hâldt yn dat der op papier nochal wat leech
stiet, dêr't wy dus seis it jild foar op- bringe moatte. As der
oanboud wurdt by in skoalle moat der rekken hâlden wurde mei
leechstân by dy of in oare skoalle en dat makket it wol tige
yngewikkeld. Yn jannewaris/febrewaris sil wer praten wurde om de
saak te bespoedigjen.
Bladzijde 80:
Mefrou S. Zijlstra seit dat har fraksje dit ek in swierrich
probleem fynt. By de maatregel bliuwt it ferfier nei it
bûtengewoan ûnderwiis wol fergees mar mei ûtsûndering fan de
LOM/MLK-skoallen en dat fine hja ûnrjochtfeardich. Want wêrom is
it nédich ferskil oan te bringen yn it learlingenferfierOf soe
it sa wêze dat der op dizze wize it measte jild te heljen is?
Kinne dizze bern it helpe dat de soarchbreedte sa is dat hja net
yn it eigen doarp nei skoalle kinne? De âlden mei likernÔch in
minimum ynkommen moatte aanst 15,17,de moanne
betelje foar it learlingenferf ier. Hja stelt fêst dat dit regear
in ferskil opropt yn it bekostigjen fan it learlingenferfier en
hja kin oars net as it rare gefoel krije dat dit dien wurdt om
jild te krijen.
Wethâlder mefrou Bloem seit dat de achtergrûnen net krekt bekend
binne.
Jo kinne der nei riede en der wantrouwen by hawwe. Yn elts gefal
dielt hja it beswier fan mefrou Zijlstra. Jo sjogge hjir wer dat
it underwiis oan it koartste ein lûkt. Nammerste skrinender wurdt
it as âlden betelje moatte foar ferfier nei underwiis foar harren
bern dat yn'e buert net te finen is omt de soarchbreedte fan it
basisûnderwiis hyltiten smeller makke wurdt.
It is in spitige saak, foaral ek omdat dit wer sa'n maatregel is
dy't earne oars betocht is mar troch de gemeente ötfierd wurde
moat. Yn'e maitiid sil hjir yn'e Ôfdieling oer praat wurde.
De hear Stallinga is it der hielendal mei iens dat it in
ûnmooglike saak is sa as ek yn it antwurd oanjûn wurdt.
Bladzijde 82:
De hear Van der Baan fynt dat it net hurd te meitsjen is dat de
besunigings- drift fan it ryk de oarsaak is fan dat it frysk
kwalitatyf en kwantitatyf te min omtinken kriget. It
ynspeksjerapport "Het onderwijs in het fries nader bekeken" stelt
dat it ûnderwiis yn it frysk folslein ûnfoldwaande is. Dat
bestjut dan wol dat de ynspekteur net op in ferantwurde wize in
skoalwurkplan goed kart. Yn it antwurd is gjin strategy ta
ferbettering te finen en dat spyt him tige. Dy strategy moat der
wol komme. Hy freget derom it kolleezje wat hja tinke te dwaan.
0004V 36