-3-
Sûnt 1 augustus 1985 (W.B.U.) fait ferfanging/fernijing fan
c.v.-ynstallaasje, flier- en dakbedekking ûnder it program fan
easken technysk ûnderhâld.
De gemeente krijt fan it Ryk dêrfoar in noarm-fergoeding.
De bysûndere skoalbestjoeren kinne by de gemeente om meiwurking
(kêst 74 W.B.U.) freegje foar ferfanging- en fernijing fan
boppeneamde saken.
Lykwols ûnder de Leger-ûnderwiiswet 1920 wie dat oars regele.
Wannear't doe saken as it ferfangen fan de C.V.ynstallaasje, flier
en dakbedekking barre moast, moasten de bysûndere skoallen dat yn
begjinsel seis bekostigje. Se krigen dêrfoar yn it bedrach de
learling (kosten fan ynstânhâlding) in jierlikse fergoeding fan de
gemeente.
Foar ferfanging fan de c.v.-ynstallaasje en sa, koene de bysûndere
skoallen reservearje. Pleatslik waarden wolris oare ófspraken makke.
Ferfanging fan in dak of flier fan in iepenbiere skoalle waard dan
buten it bedrach de learling halden. Wannear't in bysûndere skoalle
oan in soartgelikense ferfanging ta wie, waard dat bekostige troch
de gemeente.
Dat systeem waard lykwols net yn de eardere gemeente Utingeradiel
folge.
Dat hâldt yn, dat de Ds. Hasperskoalle jierren lang reservearje koe
foar ferfanging fan de c.v.-ynstallaasje. Wannear't de gemeente no
de folsleine meiwurking ferliend, soe dat ynhâlde dat der dubel
betelle wurdt en dat soe stridich wêze mei de normale easken oan it
jaan fan ûnderwiis te stellen.
Dizze problematyk is yndertiid ek sinjalearre troch de kommisje
Londo
Lykwols "gelet op de weerbarstige aard van een eventuele
overgangsregeling heeft de werkgroep (Londo) hiervan afgezien" (side
29 Londo-rapport)
No't de bysûndere skoallen foar ferfanging fan earder neamde
foarsjennings jierrenlang reservearje koene, stelle wy jim út de
meiwurking foar in part te ferlienen.
Fanôf 1985 oant no ta hat de gemeente 2 jier reservearje kinnen. De
ófskriuwingstermyn fan in c.v.-ynstallaasje is 20 jier.
Wy stelle jim út 2/20 fan 13.480,1.348,(tsjettel), 2/20
part fan 970,97,(kachel direksjekeameren 2/20 part fan
24.770,2.477,(liedings), totaal f 3922beskikber te
stellen.
ad. e.
Foar de ferfanging fan flierbedekking jildt itselde ferhaal as de
ferfanging fan de c.v.-ynstallaasje. Troch de feriening is om in
kredyt fan 10.500,frege foar de ferfanging fan flierbedekking
yn 5 lokalen. Wy binne fan betinken, dat de flierbedekking yn 4
lokalen noch net ferfongen hoecht te wurden. De flierbedekking yn it
beukerlokaal is lykwols sa min, dat ferfanging needsaaklik is.
De kosten dêrfan wurde troch ús besifere op 2.500,
Ek foar ferfanging fan de flierbedekking koe it skoalbestjoer jild
reservearje. De ófskriuwingstermyn fan flierbedekking is 20 jier.
0014V 55
