GEMEENTE BOARNSTERHIM
20. Utstel oangeande it
tastean en ôfwizen fan
oanfragen op grûn fan
kêst 74 fan de wet op it
basisûnderwiis yntsjinne
troch it bestjoer fan de
Sint Radboudskoalle te
Jirnsum (bysûndere
basisskoalle)
Oan de gemeenteried.
Grou, 4 septimber 1987.
It bestjoer fan "de stichting rooms katholiek onderwijs Sint Radboud
te Jirnsum" hat koartlyn in trijetal oanfragen oan jimme ried
rjochte om op grûn fan kêst 74 fan de Wet op it Basisûnderwiis
meiwurking te krijjen foar:
a. it op'e nij stoffearjen fan it meubilêr yn'e dosintekeamer
b. it ferfangen fan de flierbedekking yn guon lokalen;
c. it ferfangen fan de sinneskerms, dy't yn twa lokalen oanwêzich
binne.
Neamde oanfragen lizze foar jimme by de riedsstikken op besjen, en
slaan op'e eardere beukerskoalle yn Jirnsum, dêr't de Sint
Radboudskoalle yn koarten yn ûnderbrocht wurde sil.
Yn it ramt fan de ynrjochting fan de "nije" Sint Radboudskoalle
merke wy op, dat inkelde jierren tebek oerien kommen is, dat de
ynventaris/ûntwikkelingsmateriaal fan de iepenbiere beukerskoalle
"Beukerwille" te Jirnsum yn ûnderling oerlis ferdield wurdt oer de
beide basisskoallen - de iepenbiere- en de bysûndere basiskoalle -
yn Jirnsum. Derby is ek bepaald, dat, wat it oantúgjen fan de
ynventaris foar de ûnderbou (eardere beukerôfdieling) fan de Sint
Radboudskoalle oanbelanget, yn it foarste plak besjoen wurde sil yn
hoefier de nedige ynventaris oanfold wurde kin mei de noch brûkbere
ynventaris, dy't eigendom fan'e gemeente is. Yn dat ferbân ferwize
wy nei jimme beslút fan 20 augustus 1985, nûmer d.35.
Mei achtslaan fan dat beslút hat út petearen met it bestjoer en it
personiel fan de Sint Radboudskoalle bliken dien, dat oanfoljend
noch boartersmateriaal foar de ûnderbou fan de skoalle oantugd wurde
moat.
Under ferwizing nei de oanbe lang jende begruttings, dy't ek by de
riedsstikken op besjen lizze, giet it derby meielkoar om in bedrach
fan 9.516,56.
Dêrnjonken is meubilêr nedich foar it ynrjochtsjen fan de
mienskipsromte, dêr't de Sint Radboudskoalle oan no ta net de
beskikking oer hie. It giet dêrby om in bedrach fan meiinoar
8.735,sa't út'e oanbelangjende begrutting bliken docht.
Fierders is it nedich, dat noch inkelde buorden oanskaft wurde. Op
grûn de fan de saneamde Londo-noarm kin dêrfoar in bedrach fan
folslein 2.478,beskikber steld wurde.
0014V
