GEMEENTE BOARNSTERHIM
21. Utstel om gjin meiwurking te fer-
lienen oan de feriening foar
"Christelijk Nationaal Schoolonder
wijs" te Tersoal foar it oantúgjen
fan skoalboerd (muorreskoboerd)
Oan de gemeenteried.
Grou, 4 septimber 1987.
Fan it bestjoer fan de feriening foar "Christelijk Nationaal
Schoolonderwijs" fan Tersoal is it fersyk ynkommen om meiwurking te
ferlienen op grûn fan kêst 74 fan de Wet op it Basisûnderwiis
(W.B.U.) foar it oantúgjen fan in skoalboerd.
Foar takommend skoaljier leit it yn de bedoeling om de groepen 3 en
4 te húsmanjen yn de mienskipsromte. Yn dat lokaal sit wol in
skoalboerd, mar dat is in fêst boerd dat net ferstelber is. En
benammen dat léste wurdt foar de jongere learlingen as in beswier
sjoen. Dêrfandinne dat no by de gemeente oankloppe wurdt om jild
beskikber te stellen foar in muorreskoboerd.
De bysûndere skoalle hie leaver in lokaal der by hên, mar dat siet
der net yn.
It skoalgebou fan Tersoal is yn 1982 as nij yn gebrûk nommen. By de
bou is útgien fan in trije-klassige skoalle 3 lesromten 1
mienskipslokaalMei yngong fan 1 augustus 1983 binne de 4- en 5
jierrigen (beukers) op grûn fan de Ferrommingswet mei it each op de
yntergraasje beuker- en legerûnderwiis, ek talitten. Dêrmei wiene
der 4 ferplichte learkrêften oan de skoalle ferbûn. Mei de beukers
der by, moast it mienskipslokaal ek as ûnderwiisromte brûkt wurde.
Yn 1984 kaam de feriening mei in fersyk om meiwurking op grûn fan
kêst 72 fan de Leger-ünderwiiswet 1920 foar it oantúgjen fan in
skiedingsmuorre, oan te bringen yn it mienskipslokaal. Dêrmei soe
dan in lesromte foar de heechste groepen ôfskerme wurde fan de
dokumintaasjehoekeOp dat momint wie der gjin lange termyn (15
jier) learlingeprognoase foar hannen, in prognoase fan 5 jier wie
der wol. De meiwurking waard ferliend (riedsbeslút 20 novimber 1984)
om't dy lést neamde prognoase útwiisd dat in fjirde groep der
mooglik wol yn siet.
Boppedat spile mei dat mooglike boppetallige learkrêften yn elts
gefal oan de skoalle stean bliuwe koene oant 1 augustus 1988,
ûnderwilens ferlingd oant 1 augustus 1990. De ûntjouwing fan it
oantal learlingen is lykwols wat oars útpakt as dat de ferwachting
wie, sa't ek út it beslút fan it ministearje fan Underwiis en
Wittenskippen (brief fan 1 april 1987) bliken docht.
By it ministearje fan Underwiis en Wittenskippen is middels it
oersicht fermeardering Húsfesting 1987 - 1990 (riedsbeslút 17 juny
1986) fersocht om útwreiding fan de besteande húsfesting yn Tersoal
mei ien lokaal. Neffens it ministearje fan Underwiis en
Wittenskippen wie de lange-termyn learlingeprognoase fan de gemeente
(1984) te optimistysk. De ferwachting dêr wie dat it oantal
learlingen fan run de 70 de kommende jierren noch wol sak je soe en
yn gjin gefal mear tanimme sil ta in oantal dêr't de prognoase fan
de gemeente fan út giet (groei nei 84 learlingen yn 1999). Ek wy
binne fan betinken dat dy prognoase wat te optimistysk is.
nm a.\7