GEMEENTE BOARNSTERHIM
23. Utstel oangeande it fersyk fan de
Permaninte Kommisje Frysk yn it
ûnderwiis (P.K.F.) om it ûnderwiis
yn it Frysk yn alle skoalletypen
te befoarderjen.
Oan de gemeenterie.
Grou, 4 desimber 1987.
Op 22 jannewaris 1986 hawwe Provinsjale Steaten fan Fryslân de
Permaninte Kommisje Frysk yn it ûnderwiis (P.K.F.) ynsteld mei it
doel om it ûnderqiis yn it Frysk yn alle skoaltypen te befoarderjen.
De kommisje sil benammen soarqje foar de koördinaasje fan alle
aktiviteiten, dy't ûndernommen wurde foar it Frysk yn it underwiis.
It giet derby om it op elkoar ôfstimmen fan it belied fan de
ferskillende oerheden; dat fan de begeliedingstjinst, de ynspeksjes
en de opliedingsynstituten en dat fan learmiddelprodusinten en
learmiddelbrûkers
De kommisje tinkt nije plannen út, nimt de foarstap om dy ek klear
te krijen en stimulearret ûntwikkelings, dy't geande binne. Fierder
jout de kommisje advys oan Deputearre Steaten oangeande (it ynfieren
fan) Frysk yn it underwiis.
Ta it oandachtsfjild fan de P.K.F. heart:
a. de ûntwikkeling yn de skoallen en yn de ûnderwiisbegelieding;
b. de Ontwikkeling fan learplannen en learmiddels;
c. fasiliteiten foar it ûnderwiis yn it Frysk;
d. foarljochting oer en undersyk nei it Frysk yn it underwiis.
Om al dy taken goed te dwaan, is it nedich dat de P.K.F.
regelmjittich kontakten ûnderhâldt en oerlis fiert mei it
departemint fan underwiis en wittenskippen, it provinsjaal bestjoer,
de ûnderwiisried en mei eventueel dy kommisjes en/of wurkgroepen,
dy't har dwaande hâlde mei fasetten fan it Frysk yn en foar it
ûnderwiis.
Foar in goed advys kin it tige fan belang wêze kontakt te
ûnderhâlden mei skoallen, skoallebestjoeren, âlderorganisaasjes,
learaars en learare-organisaasjes.
Doelen.
It alaemiene doel, dat de P.K.F. neistribbet is dat it brûken fan
Frysk yn it underwiis like gewoan wurdt as it brûken fan Nederlânsk
en dat it fak Frysk in grutter en evenwichtiger plak kriget as oant
no ta it gefal is, Op dy wize kin de twatalige mienskip beide
offisjele talen har gerak jaan en wurdt de garânsje skepen, dat elke
ynwenner fan de provinsje rûnom sûnder beheinings neffens eigen kar
Frysk en Nederlânsk brûke kin.
Neffens de P.K.F. wurdt it algemiene doel foar de ferskillende
underwiistypen konkreet makke troch dieldoelen. Wat us gemeente
oanbelanget kin yn dat ferbân it foarskoals underwiis, it
basisûnderwiis, it fuortset underwiis en it folwoekseneunderwiis
neamd wurde. Derby giet de P.K.F. út fan de folgjendes dieldoelen.
0023V
