-4-
Fierders kin de gemeente bygelyks mei help fan
stúdzjefasiliteiten de learaars stimulearje ta it heljen fan de
legere of de middelbere akte.
3. Wat it fuortset ûnderwiis oangiet, kin de gemeente mei de
meisizzenkipsrieden op it nivo fan de wetjouwing de ryksoerheid
oantrúnje Frysk op te nimmen yn de basisfoarming.
Tagelyk kin de gemeente as befoege gesach de eigen skoallen
útnoegje om ynfolling te jaan oan de foarstiene
net-ûnderbrutsen ûntwikkeling en de fleksibele oergong fan
basisûnderwiis nei fuortset ûnderwiis troch gebrûk te meitsjen
fan de romte dy't artikel 11 fan de Wet op het Voortgezet
Onderwijs jout yn de brêgeklasse; fierders kin de gemeente
stimulearje ta it opnimmen fan Frysk as (fakultatyf) fak yn de
net eksamenklassen en as eksamenfak.
De gemeente kin stimulearje ta it brûken fan Frysk as fiertaal
by ien of mear fakken yn ien of mear learjierren. Mei help fan
stúdzjefasiliteiten kinne learaars stimulearre wurde om in
A.F.U.K.-kursus te folgjen, de Leger Underwiis akte (oant 1989)
of M.U.-akte te heljen.
Op it kulturele mêd kin de gemeente spesjale
toanielfoarstellings foar learlingen stypje en ek it meidwaan
oan it FeRsitval. It FeRstival kin útgroeie ta in gemeentlike
of regionale "Lângeanne" foar it fuortset underwiis, dêr't ek
it sportive elemint syn gerak kriget.
4. Oangeande it folwoeksene-ûnderwiis kin de gemeente de boargers
foarljochtsje oer en stimulearje ta it gebrûk meitsjen fan de
mooglikheid fan Frysk yn de basis-edukaasje; oan it takennen
fan subsydzje kinne as betingst kwaliteitseasken ferbûn wurde
troch de gemeente: de lesjouwers soenen winliken it foech
"Frysk yn de basisedukaasje" hawwe moatte. Fierders kin de
gemeente stimulearje ta it brûken fan Frysk by it foarmingswurk
en it opnimmen fan Frysk yn it dei-/jûns-ûnderwiis foar
folwoeksenen
De P.K.F. begrypt skoan, dat yn dat oersjoch maatregels neamd wurd
dy't yn guon gemeentes al lang yn it gewoane belied opnommen binne;
en dat oare maatregels noch net yn alle gemeentes yn oerwaging
nommen wurde sille.
It oersjoch is dan ek net bedoeld foar ien bepaalde gemeente, mar as
rjochtline faor alle gemeentes om it eigen belied oangeande it Frysk
yn it ûndewiis mei te fergelykjen en as in hânrikking om it belied
foar de takomst stal te jaan.
Utsoarte spylje pleatslike en regionale omstannichheden en tradysjes
in rol by it foarmjaan en útfieren fan it belied; net alle
maatregels sille yn alle gemeentes tagelyk útfierd wurde kinne. Der
stiet foar oer, dat gâns stimulearjende maatregels troffen wurde
kinne troch de gemeente en ek fertuten dwaan kinne sûnder dat dy
ekstra jild kostje.
0023V 32