- 12 -
It liket ús ferstannich dat jim kolleezje alle oandacht oan it
yndustrieterrein by Akkrum jout om sa de posysje fan it grûn-
bedriuw te ferbetterjen.
By de subsydzjeregeling âld papier snijt it mes oan twa kanten.
De ferienings hawwe in garânsjepriis wylst wy as gemeente der
net minder op wurde vanwege dat der minder tonnen ôfeart nei
Ljouwert ferfierd wurde.
Boppedat wurdt it skieden fan de ôffal by de boarne befoardere.
Teloarstellend fine wy de haadstikken algemeen bestjoer by de
begrutting.
It kolleezje makket net al te dúdlik wat de plannen binne en
wêr't de prioriteiten lizze. Wol wurdt sein dat der foarrang jûn
wurde moat oan saken mar yn dat gefal hiene wy graach heard
hokker dat dan wurde sille.
De febrewaris-operaasje moat evaluearre wurde. Der kinne wy wol
ynkomme. Wy ferwachtsje dat dan ek it belied Frysk in hegere
prioriteit krijt en dat de linen nei de takomst op dat mêd dúd-
lik yn in trochgeande opbou útset wurde. Ik kom der aanst op
werom.
Fanwegen in net sichtbre mar wol oanwêzige fersmoarging fan it
miljeu sille de rioalearings sa gau mooglik oanpakt wurde
moatte. Omdat de diken faak mei fersakje is soks de helte need-
saakliker
Dat by de realferkaveling de oanlis fan fytspaden en wegen troch
oermacht net útfierd binne litte wy foar jim rekken.
Wy bliuwe der by dat as jim yndertiid op'e slach past hiene it
fytspaad Grou - Jirnsum der allang lein hie.
It toerisme soe net fierder útboud wurde moatte as it ús eigen
ynwenners tekoart dwaan soe. Dy hawwe foar in grut part belang
by sobere, praktyske fersjennings. Soks past better by ús folks-
aard en de ynkommens fan de gewoane trochsneed minsken. Dy hawwe
it hjoed-de-dei dreech genôch om run te kommen. Wês dêrom hoeden
mei djoere plannen.
It ferbreedzjen fan de Tynje en in 3e jachthavenkolk sille, as
wy net oppasse, de kosten foar ús bewenners opdriuwe en is soks
no wier it earste dat barre moat?
De gedachte oer it ferbreedzjen fan de Tynje op himsels sprekt
ús net sa oan. Benammen omdat dat gjin diel útmakket fan in
totaalplan dat de mooglikheden fan toerisme/wettersport fer-
gruttet troch bygelyks in totale útwreiding fan it wetter-are-
jaal. Dêryn soene dan de Burd en de Botmar nei foaren komme
kinne.
De plannen foar ferbettering fan de farwegen yn de Greidhoeke en
it stimulearjen fan lytsskalige kampearaktiviteiten dêrre sprekt
ús nammerstemear oan.
It ûnderwiis wurdt hieltiten meer útklaaid. By dy striptease
wurdt dan noch wakker praat oer soarchferbreding. Sa'n ferbân
ropt nuvere gedachten op.
Us steat ferwurdt ta in boekhâlderssteat. Derby wurdt, neffens
ús, út it each ferlern dat alles wat yn it ûnderwiis stutsen
wurdt in needsaaklike mar ek rendabele ynvestearring yn'e
takomst is. As in steat it ûnderwiis fersleauket sil har dat
yn'e takomst sûr opbrekke.
0026V