-13-
Vervolgens wordt zonder hoofdelijke stemming conform het
voorstel besloten.
Voorstel betreffende de problematiek Tsienzerbuorren.
De hear Nieuwdam seit dat hy it oer it generaal iens is mei de
antwurden sa't dy yn it brief steane.
De leste alinea's biede wat útsjoch op te nimmen maatregels foar
de takomst.
It meitsjen fan in bestjoersakkoart wurdt troch syn fraksje
ûnderskreaun.
Hy wol noch inkelde punten oan it kolleezje meijaan foar it
oerlis mei de provinsje. Hoe nij binne de sifers fan it buro
Hofstra, no't koartlyn it beslút fallen is oer de rûnwei by
Snits. Wat binne de effekten fan de oanlis fan'e krusing op
ûngelikense hichte by Winsum.
Syn fraksje trunet der op oan dat de ôfspraken, hooplik dy út it
bestjoersakkoart, sa gau as mooglik foar kundskip oan'e rie
stjoerd wurde. As dan letter it bestimmingsplan behannele wurdt
kin it bestjoersakkoart folslein meiwûgen wurde yn'e diskusje.
De hear SBouma wol réagearje op'e gearfetting op side 4 fan it
brief.
Hy kin him net heuge dat de rie de útspraak dien hat dat it
trochluken fan'e Sll gjin ynfloed hawwe soe op'e ferkears- en
lûdsproblematiek fan Tsienzerbuorren. Hy trúnt der op oan dat it
kolleezje dit stânpunt farre lit. De gemeente moat der by de
provinsje op oan stean dat de akoestyske maatregels en
maatregels foar de ferkearsfeiligens rjochte wurde op de te
ferwachtsjen takomstige ûntjouwingen.
Dizze ôfspraken moatte fêstlein wurde yn in bestimmingsplan en
net sa as yn it brief stiet: basearre op'e hjoeddeistige
sitewaasje.lt konsept-brief soe sa oanpast wurde moatte.
De hear Van der Baan kin him fine yn wat de hear Nieuwdam sein
hat.
Wethâlder Breeuwsma sil skriftlik op de fraach fan de hear
Nieuwdam antwurdzje fan wannear't de sifers fan it buro Hofstra
binne, omt hy dat no net krekt wit. Hy seit dat de berekkenings
fan it buro Hofstra sjen litte dat as de Sll trochlutsen wurdt
de taname fan it ferkear op Tsienzerbuorren mar 2% wêze sil
tsjin 25% op oare plakken. Dêrom is in bestjoersakkoart ek tige
wichtich. Dêrmei wurdt dan de mjitting fan no fêststeld en kin
der as de Sll trochlutsen is op'e nij mjitten wurde sadat de
mooglikheid der is op'e saak werom te kommen as de útkomst oars
is as no troch it buro Hofstra sein wurdt.
De hear Nieuwdam freget yn hoefier de nije ûntjouwingen yn Snits
en Winsum belutsen binne yn'e sifers fan Hofstra.
Wethâlder Breeuwsma seit dat hja op't heden al fier boppe de
tastiene dBa's (55) sitte. Op Tsienzerbuorren wurdt 71 dBa
metten. Op 28 maart sil de regio noard in ûndersyk dwaan, der
komme dan de nijste sifers wei.
De fraach is no fan belang hokker foarsjennings der troffen
wurde moatte.
De hear Nieuwdam seit dat as de rûnwei Snits en de krusing by
Winsum noch net ynbrocht binne yn de sifers fan it buro Hofstra
dat dat dan noch wol barre moat.
0031V