GEMEENTE BOARNSTERHIM
28.
Utstel om in kredyt beskikber te
stellen foar it oanskaffen fan
learmiddels foar de I.B.S. Boarge-
master Thalenskoalle yn Akkrum.
Oan de gemeenterie.
Grou, 8 april 1988.
It oantal learlingen yn de ûnderbou fan de Boargemaster
Thalenskoalle yn Akkrum sil de kommende moannen nochal tanimme. Om
dy groepen net te grut wurde te litten moatte in tsiental beukers
nei de peaskefekânsje nei groep trije. Foar dy groep fiif-jierrigen
binne ekstra learmiddels nedich.
Sa't jim witte is de Boargemaster Thalenskoalle húsfeste yn twa
gebouwen
It haadgebou stiet oan de Sinnebuorren en de dislokaasje oan de Sake
Visserstrjitte. De beukers (groep ien en twa) sitte yn'e dislokaasje
en de groepen trije oant en mei acht yn it haadgebou. It belied fan
de skoalle is, dat sa gau de bern fiif jier wurde, sy oergeane nei
groep twa.
Yn'e snuorje oant de simmerfekânsje komme der nochal wat bern by,
sadat nei de peaskefekânsje tsien bern nei groep trije geane. Sawol
ûnderwiiskundich as organisatorysk wurdt dy maatregel neesaadklik
achte. Om't dêrmei de beukers nei in oar gebou moatte is it
needsaaklik dat foar de fiif-jierrigen ekstra learmiddels oantúgd
wurde. Yn it haadgebou is nammentlik gjin lear- en
Ontwikkelingsmateriaal oanwêzich foar beukers.
Dat ekstra learmiddels nedich binne is feitliken te witen oan de
aparte húsfesting fan Onder- en boppebou. Utwikseling fan
learmiddels is dêrtroch praktysk net mooglik, sadat wy fan betinken
binne dat yn dit gefal ekstra lear- en Ontwikkelingsmateriaal
oantúgd wurde moat.
It giet meiinoar om in bedrach fan 1.645,de b.t.w. dêryn
beflapt. Dat bedrach kin betelle wurde út de reserve foar it
iepenbier Onderwiis. De kosten wurde tafoege oan de post
ferfanging/fernijïng Onderwiislearpakket. Yn ferbân mei de
finanejele- en materiële gelykstelling fan it iepenbier- en bysûnder
Onderwiis moatte de kosten meinommen wurde by de fêststelling fan de
kosten fan it iepenbier Onderwiis yn relaasje ta de
oerskri jdings regeling as bedoeld yn kêst 102 fan de Wet op it
basisunderwiis.
Gearfetsjend stelle wy jimme út in kredyt fan 1.645,beskikber
te stellen foar it oantúgjen fan learmiddels foar de underbou fan de
Boargemaster Thalenskoalle, te beteljen út de post reserve(funs)
iepenbier basisunderwiis.
Boargemaster en wethâlders fan Boarnsterhim,
de siktaris, de boargemaster,
P.H. Starreveld. B.G. Holtrop.
0030V