- 13 -
Oangeande it jild kin dat lykwols noait omt dat betsjutte soe,
dat der twa soarten amtners kreëart wurde soene. Derby fernuvert
de opstelling fan it personiel him ek, omt it sa is, dat doe't
it gasbedriuw net sa draaide as de leste tiid, de mienskip syn
nekke útstutsen hat.
Doe't de gemeenten in pear jier lyn twongen waarden de
enerzjyfoarsjenning oars te regeljen as hjoeddedei, wie der in
sterke lobby foar in horizontale yntegraasje fan gas en elektra.
De gemeenten en it gasbedriuw woene dat net om de
enerzjyfoarsjenning tichteby de minsken te halden. Dat it
personiel dochs in oare opstelling kiest fernuvert him dan ek.
Hy stelt fêst, dat yn'e beslútfoarming oant no ta oangeande de
jildsaken mei ferstân hannele is. Der binne algemiene linen
hantearre en dat is hiel ferstannich. Tagelikertiid wurdt der no
frege te kiezen foar de organisaas jefoarm en akkoart te gean mei
de jildsaken. Oare saken, lykas it plak fan'e sintrale
húsfêsting moatte no noch net nei foaren helle wurde, dy komme
letter oan bar.
Hy is der dan ek net sa oer te sprekken, dat It Hearrenfean wol
in hot item makket fan'e sintrale húsfêsting en dat dat hast in
brekpunt liket te wezen. Ek wurdt der blierkjend útsjoen nei in
N.V.-foarm en ek nei it P.E.B. It sprekt elkoar tsjin dat mei in
hiele goede tarieding op dit útstel no ien fan'e gemeenten hiel
maklik oare útspraken docht.
As Boarnsterhim him útsprutsen hat foar in bestjoersfoarm, en as
it oan him leit, is dat in mienskiplike regeling, dan sil dat
stânpunt ynbrocht wurde yn'e stjoergroep. As de mearderheid
fan'e gemeenten kiest foar in N.V.-foarm, dan ûntstiet der
neffens him in hiele nije sitewaasje, wêryn hy him dan
foarstelle kin, dat der in oare N.V.-foarm, mear oanklaaid, komt
mei it each op de mienskipsbelangen fan Boarnsterhim.
De hear Van den Bosch seit dat dit utstel in saak oanbelanget,
dy't al de nedige publisiteit hân hat.
De WD-fraksje kiest net foar it útgongspunt dat der in
mienskiplike regeling komme moat, mar foar in N.V.-foarm. In
N.V., miene hja, kin soepeler, direkter en slachfeardiger
hannelje. Bestjoerlik is in N.V. minder loch dan in mienskiplike
regeling, en de belangen fan'e gebrûkers binne better regele
trochdat der flugger antwurde wurde kin.
Ek de belangen fan'e meiwurkers binne yn in N.V. better tsjinne.
Yn'e statuten fan in N.V. kinne ek oare dingen, dy't men graach
wol, regele wurde.
Mei de finansjele ôfwikkeling sa as dy yn it útstel stiet, kin
syn fraksje ynstimme.
Syn fraksje sjocht der mei belangstelling nei út op hokker wize
de oerbleaune middels brûkt wurde sille.
Hy hopet dat de fúzje fan'e gasbedriuwen gjin net te
oanfurdigjen lest foar ús gemeente mei him meibringe sil.
De hear Volberda seit dat syn fraksje ek kiest foar in
mienskiplike regeling omt sa de gemeente it meast belutsen
bliuwt by it belied.
0033V