-6-
Mar dermei wurdt ek de sizzenskip, de ynfloed fan'e gemeente te
neat dien.
Der wurde de eardere útgongspunten dat nutsbedriuwen in taak
fan'e oerheid binne en dat de ynfloed fan dy oerheid sa grut
mooglik wêze moat, ynlevere.
De beslissings dy't yn'e takomst falie der is dan de gemeentlike
oerheid net mear by.
It minderheidsútstel seit dat sizzenskip boppe wissichheid giet.
By de oerkoepeljende organisaasje sille we ien kommissaris fan
de fyftjin hawwe, by de dochter ien fan de fjouwer.
Troch dizze gruttere sizzenskip sille we ek ynfloed hélde op'e
nije ûntwikkelingen by it opwekken fan enerzjy yn lytsskalige
projekten, tink oan Dearsum. Mear ynfloed op'e ferbrûkersprizen.
Yn'e takomst tinkt men oan in ynkeap fan gas foar in fêststeld
bedrach en it útkeapbedrach mei seis bepaald wurde. Derby sil in
ûnderskied makke wurde tusken steds- en plattelânsgemeenten.
Yn it mearderheids- en minderheidsútstel binne in trije tal
saken mienskiplik. Beide sprekke se har út foar gearwurking mei
de N.V. Frigem, de jildlike belesting fan'e algemiene tsjinst
troch it grûnbedriuw sil weinommen wurde en it restant fan'e
oernamesom sil nei de algemiene reserve ta.
It ferskil spitst him ta op fúzje as oername. Mei oare wurden
finansjele sekerheid as ynfloed troch de oerheid op'e
nutsfoarsjennings. It is wier net in maklik beslút. As jo yn in
finansjeel penibele sitewaasje sitte dan lokt jild o sa.
Mar as se de twa mooglikheden neistelkoar set dan komt se ta de
konklúzje dat der yn beide gefallen in goede finansjele
transaksje dien wurdt. By it mearderheidsútstel bliuwt
struktureel in grutter bedrach oer foar de algemiene tsjinst. By
fúzje wurdt it risiko nommen dat it úteinlike winstbedrach
wolris leger útpakke sil mar it bedriuw wurdt net út hannen jûn.
Dit útstel moat yn it foarste plak fan'e bestjoerlike kant
besjoen wurde en dêrom fynt se it ûnbegryplik dat wethêlder
Breeuwsma achter it mearderheidsútstel stiet en it net besjocht
fanút de bestjoerlike kant nei de takomst ta.
De mearderheid fan har fraksje stipet it minderheidsútstel, mei
as ynfalshoek dat de ynfloed fan'e oerheid net ferbrutsen wurde
moat.
Se fynt it spitich dat dizze beslissing net met de hiele rie
nommen wurde kin trochdat in part net fierder sjocht as it
finansjele foardiel dat der op dit stuit te heljen is.
De hear G. Bouma seit dat hy op 19 april lêstlyn yn'e pleit gien
is foar in mienskiplike regeling boppe in N.V., krekt fanwegen
it argumint fan sizzenskip en ynspraak. As der, troch
omstannichheden, in oare sitewaasje ûntstean soe, sa hat hy doe
sein, dan moatte we ús op'e nij beriede. Foar him is dy
sitewaasje no ûntstien. Trochdat It Hearrenfean ôfheakke, binne
we twongen ta in N.V.-foarm. No moat de kar makke wurde tusken
fúzje as oername.
In soad arguminten sa as frou Faber dy krekt neamd hat kin hy it
mei iens wêze.
0042V 45
