w
GEMEENTE BOARNSTERHIM
21. Utstel ta it oanbringen fan in
ferhurding op it paad fan Friens
nei Jirnsum.
Oan de gemeenteried
Grou, 9 desimber 1988
Fan Friens nei Jirnsum rint in paad dat al ieuwen âld is. It is út
lânskiplik en natoerhistoarysk eachpunt in elemint fan grutte
wearde. Oan de Frienzerkant wurdt it oer in ôfstân fan goed
fiifhûndert meter brûkt as tagongswei nei de greiden en oan 'e Jirn-
sumerkant is it oer in lytse trije hundert meter yn gebrûk as
wetterkearing.
Benammen yn 'e simmer wurdt it paad gauris brûkt as rekreatyf
fytspaad en kuierpaad.
It dykslichem is yn eigendom, behear en ûnderhâld by de gemeente
Boarnsterhim.
Foar in part is it paad net ôffrede fan de greide.
Yn it ferline hat dat wolris swierrichheden jün mei it tichtdwaan
fan hikken en útbrekken fan fee. Wy binne fan betinken dat foar
dizze tûkelteammen in goede oplossing fûn wurde moat en dat it paad
as ferbining tusken Friens en Jirnsum bestean bliuwe moat en dat
tagelyk it paad ek fan in ferhurding fersjoen wurde moat.
Foar jim leit in plan dat fersjocht yn it meitsjen fan in ferhurding
op it paad yn 'e foarm fan skulpen op slakken foar it súdlike stik
en it meitsjen fan in betonferhurding op it noardlike stik, der't it
paad ek as tagongswei nei de greide brûkt wurdt. It earstneamde stik
kriget in breedte fan 1% m en it lêstneamde in breedte fan 3 m. By
it hiele paad lans sil de beplanting opknapt wurde.
De kosten fan it hiele plan wurde rûsd op 198.000,werfan
132.000,foar it fytspaad en 65.880,foar de ferbreding nei
3 ml foar it agraryske gebrûk.
Sa't bliken docht út de stikken dy't op bes jen lizze, kin troch
ûnderskate subsydzjes, bydragen fan tredden en in eigen bydrage fan
35.810,út it Doarpsfernijingsfûns genôch jild byinoar fandele
wurde om it plan útfiere te kinnen.
Wy stelle jim dan ek út om ta útfiering fan it plan in kredyt
beskikber te stellen fan 198.000,en it eigen part fan
35.810,te heljen út de eigen bydrage fan it
Doarpsfernijingsfûns.
Boargemaster en wethâlders fan Boarnsterhim,
de siktaris, de boargemaster,
P.H. Starreveld. B.G. Holtrop.
0043V 91
