- 13 -
Dêrnjonken stiet noch in oare faktor. Yn de begrutting stean
posten as besunigings oanjûn dy't net útfierd binne en dêr't wy
oan twivelje dat dy ea útfierd wurde kinne. Wy doele dan op de
privatisearring fan de pont. Dan wurde der saken weilitten dy't
wol opnommen wurde moatte soene. It ûnderhâld fan de wegen kin
wol foar in grut part weilitten wurde, mar aanst komt soks yn
ferdûbele sifers op ús ta.
Boppedat sille wy rekken hâlde moatte mei de tekoarten fan de
Stichting Waterrekreaasje Terherne dy't nei alle gedachten yn it
kommende jier op ús ôf komme sille.
Soks jout openij twivel oan de realistyske wearde-ynskatting fan
dizze begrutting.
Oer ien ding sille wy it gau iens wêze.
In lêstenferswierring is net te foaren te kommen.
Lykwols sil dy sa beheind mooglik bliuwe moatte.
Yn it finânsjele part wurdt útsteld om de algemiene reserves
dy't ta nul redusearre binne op te bouwen út ûnder oaren de
bestimmingsreserves. Wy keare ús der yn it algemien tsjin foar-
sitter, omdat soks de betrouberens fan de oerheid nei syn ynwen-
ners skeint. As bestimmingsreserves ferwachtings oproppen ha by
de mienskip dan kin soks net samar yn ien haal trochkrast wurde.
At soks al barre soe dan kin soks yn ús eagen allinne mar as der
mei de pleatslike mienskip praat wurdt en dêroer oerienstimming
fûn wurdt. It is ûnfrysk om dingen dy't jo tasizze net nei te
kommen
Wy achtsje it fan belang dat de saneamde wite gebieden harren
gasoanslutings krije. No't wy noch it ien en oar te sizzen ha
oer de winsten fan it gasbedriuw soene wy wolle dat it eigen
belied datoangeande stâl krijt en der reserves foarme wurde om
yn'e heine takomst dy gebieten oan te sluten.
Ek yn de kommende tiid bliuwt it grûnbedriuw in bongel oan'e
poat. De tekoarten binne yn feite grutter as de sifers oanjowe,
omdat de bestimmingsplannen feitliken út it grûnbedriuw betelle
wurde moatte. No bart dat út de doarpsfernijingspot wat yn wezen
net tastien is.
De saneamde konservearjende bestimmingsplannen falie der fansels
net ûnder en dy ha ik dan ek net op it each. Wy bliuwe der lyk
wols by dat de eksploitaasje-opset fan de plannen sadanich wêze
moat dat der gjin jild ekstra by hoecht. De tekoarten foarút
skowe nei folgjende fasen lykas yn Meinga hat ús segen net.
De reorganisaasje bringt hiel wat teweech en wy binne dan ek
benijd hoe't it stelsel fan delegaasje en mandaat wurkje sil. De
raamnota personielsbelied en it ynformaasjeplan wachtsje wy
nijsgjirrich óf mar sizze openij wer dat in ekstern buro need-
saaklik is om bestjoerlik en amtlik de saken goed op elkoar of
te stimmen.
It betel jen fan kof je jild hat ûnder it personiel hiel wat te
weech brocht. In op it each lytse yngreep is foar de sfeer soms
fan it grutste gewicht. It liket ús ta dat it kolleezje dat net
sa goed ynskat hat en dat der dêrom nochris goed neigien wurde
moat hoe't dy ûnfrede fuortwurke wurde kin.
0052V
