w
20. Utstel om kredyt beskikber te
stellen £oar learmiddels iepen-
biere basisskoalle Raerd.
GEMEENTE BOARNSTERHIM
Oan de gemeenteried.
Grou, 6 jannewaris 1989.
Fan de direkteur fan de iepenbiere basisskoalle It Raerderhiem yn
Raerd hawwe wy it fersyk krigen om in kredyt beskikber te stellen
foar it oantúgjen fan learmiddels foar de groepen sân en acht.
It oantal jierren tebek wie der in fikse taname fan it oantal
learlingen yn groep trije. It gyng om in echte útsjitter. Gewoan-
wei sitte der run 10 12 learlingen yn in groep. Yn 1985 kamen der
lykwols hast 20 bern yn groep tri je. Op dat stuit wiene der net
foldwaande learmiddels foar alle learlingen, sadat der oanfoljend
materiaal oanskaft wurde moast.
Dêrfoar is by riedsbeslút fan 16 april 1985 in kredyt beskikber
steld foar ekstra learmiddels foar de kombinaasjegroep trije/fjouwer
en letter ek foar groep fiif/seis (riedsbeslút 17 maart 1987).
De grutte groep fan 1985 komt takommend skoaljier yn groep sân,
sadat foar de kombinearre groep sân/acht ekstra learmiddels oanskaft
wurde moatte.
Troch de direkteur fan de skoalle is in oersicht makke fan saken
dy't takommend skoaljier nedich wêze sille. Foar it oanskaffen fan
de ekstra learmiddels is in bedrach fan sawat 2.825,ynklusyf de
b.t.w. muoid. De materialen dy't oanskaft wurde foldogge oan it
begrip "normale easken".
Wy stelle jim ried dan ek út foar ekstra learmiddels in kredyt
beskikber te stellen fan 2.825,ynklusyf de b.t.w. Dat bedrach
kin betelle wurde troch it learmiddelbudzjet 1989 te ferheegjen mei
2.825,te beteljen út de technyske reserve foar it iepenbier
basisunderwiis. Wannear't in groep mei minder as 6/10 formaasjeplak
tanimt (18 bern), dan fergoedet it Ryk net de kosten foar it
oantúgjen fan ekstra lear-, helpmiddels en meubilêr. Dy ekstra
kosten bliuwe dus foar it foechhawwend gesach.
Boargemaster en wethâlder fan Boarnsterhim,
de siktaris, de boargemaster,
P.H. Starreveld. B.G. Holtrop.
0053V 1
