-20-
De hear Bouma jout in Compliment oan dyjingen dy't meiwurke
hawwe oan it stik dat jûn bepraat wurdt. Hy hat it yn earste
ynstansje net hân oer de punten en komma's fan'e útfiering fan
it plan. Hy ferwachtet lykwols dat de kwaliteit goed wêze sil en
dat der in goed oerlis wêze sil tusken de oannimmer en de
sportferienings
Wat de beslútfoarming oanbelanget wol hy it trajekt sketse sa't
hy dat foar eagen hat. Earst ûnderdiel a. As twadde ûnderdiel c.
Hy stelt út dat konkreter te meitsjen troch no al in
reservearring oant 1992 oan te jaan sadat as it safier is de
atletykbaan ek echt realisearre wurde kin. Derfoar is
125.000,nedich.
Nimt de rie dat net oer dan kin by ûnderdiel b. útsteld wurde
dat der 20.000,uthelle wurde moat foar de oanlis fan'e
drainaazje.
Dy 20.000,moat dan út'e bygelyks iepenbiere wurken betelle
wurde en moat taheakke wurde oan'e reserve foar de atletykbaan.
Foar 1989 kin hy wol mei it kolleezje akkoart gean dat dy
20.000,by de sportreservearring bliuwt.
Hy stel dêrom út dy 20.000,no earst fan dy reserve te
lienen en by de behanneling fan'e begrutting 1990 dat bedrach te
stoarten by de reserve foar de atletykbaan.
Frou A. Ziilstra seit dat sy wat punt c. oanbelanget achter it
kolleezje stean bliuwt. Der kin noch safolle op ús ôfkomme dat
sy fynt it net goed no al reservearrings foarôf fêst te lizzen.
20.000,earne oars út'e begrutting weiheije soe bestjutte
dat der op in oare post besunige wurde moat en sy soe net witte
op hokker post dat dan moatte soe. Se fynt dat dy ôfwaging by de
mearjierrenbegrutting makke wurde moat.
De hear Van der Baan is it wol iens mei de riddenearring fan de
hear Bouma oangeande de riolearring.
Hy hat der wol problemen mei no al in reservearring foar de
atletykbaan fêst te lizzen sûnder te witten hoe't it aanst komme
sil
Hy wol by de mearjierrerûzing besykje te reservearjen foar de
atletykbaan.
De hear Dotinqa seit dat syn fraksje it kolleezje-útstel stipet.
Frou Santema seit dat sy beide útstellen fan de hear Bouma
stipet.
Wethêlder Faber seit dat it komplimint fan'e hear Bouma hiel
terjochte is en se ûnderstreket dat fan herte. Ek it kolleezje
en it amtlik apparaat geane der fanút dat der by de
rekonstruksje fan'e sportfjilden oan'e Troelstrawei in stik
kwaliteit levere wurde sil.
It oerlis mei it sportsintrum sil fansels bliuwe. Foar de
atletyk sil nei in tuskenoplossing socht wurde yn gearwurking
mei de feriening.
Se riedt it de rie óf om yn 1990 de 20.000,wer yn'e reserve
foar de sport te stoarten en earne oars yn'e begrutting ûnder te
bringen. Se fynt it ek bestjoerlik ûnferstannich om tuskentiids,
no't de begrutting en de mearjierrenrûzing net oan'e oarder
binne, fêst te stellen om yn'e kommende jierren in bedrach te
reservearjen.
0060V
