W7
GEMEENTE BOARNSTERHIM
22. Utstel om in stânpunt yn te nimmen
oangeande de posysje fan it
gemeentlik gymnasium yn Ljouwert.
Oan de gemeenteried
Grou, 7 april 1989.
Sa't jim witte is de gemeente Ljouwert fan doel om it iepenbiere en
bisûnder fuortset ûnderwiis yn dy gemeente ûnder te bringen yn ien,
mooglik twa of tri je skoall.emienskip(pen)De foarkar giet út nei
ien skoallemienskip. Foardat lykwols in definityf stânpunt ynnommen
wurde sil troch it kolleezje fan boargemaster en wethalders fan
Ljouwert sille de foar- en neidielen fan ien, twa en trije
skoallemienskippen ûndersocht wurde. De âlden fan learlingen dy't it
gymnasium besykje, hawwe ûngerêst reagearre op dy ûntjouwings. Se
binne benammen bang dat yn de nije opset fan it fuortset ûnderwiis
yn Ljouwert it gymnasiaal ûnderwiis der ûnderstrûpe sil.
Der binne nochal wat learlingen fan buten Ljouwert dy't nei it
gymnasium geane. Alden fan learlingen út omlizzende gemeente hawwe
in brief skreaun dy't rjochte is oan de eigen gemeenteried. De
gemeente Menamerdiel hat dêrop om neiere ynformaasje frege oer it
plak fan it gymnasium yn de nije struktuer. Troch de gemeente
Ljouwert is doe in konsept riedsútstel (16 febrewaris 1989) en
konsept riedsbeslút tastjoerd oan alle bûtengemeenten dy't
learlingen op it gymnasium hawwe. It is in wiidweidich útstel dêr't
in oantal útgongspunten yn foarstien wurde, sa as:
1. (sitaat) "zo breed mogelijke scholengemeenschappen, waarbij
meervoudige vestigingen mogelijk moeten blijven met het oog op
de bereikbaarheid en de kleinschaligheid";
2. "één brede scholengemeenschap, waarin de basisvorming in al zijn
variëteiten gevolgd kan worden, waarin daarna zowel mavo, havo,
atheneum en gymnasium-diplomering kan volgen";
3. "er zal sprake zijn van een aantal lokaties met een gemiddeld
opvang van 500 600 leerlingen en met binnen zekere grenzen de
mogelijkheid tot het voeren van een eigen beleid. Van
massaliteit is dus geen sprake";
4. "binnen de voorgestelde structuur verdient dan ook de positie
van atheneum en gymnasium leerlingen enerzijds en IB0/LB0
leerlingen anderzijds bijzondere aandacht".
Fierders is der in oerlis- en ynspraakproseduere fêstlein. Derby
wurdt eltsenien dy't it oangiet safolle mooglik yn de gelegenheid
steld om in stânpunt nei foaren te bringen.
Wy hawwe de yndruk dat de gemeente Ljouwert hiel hoeden en sekuer
mei dizze matearje omgean wol. Yn dy sin sil der nei alle gedachten
ek foldwaande romte oerbliuwe foar it gymnasium om it foar dy
ynstelling karakeristike ûnderwiis ta syn rjocht komme te litten.
Wy stelle jim ried dan ek út om yn dy sin in standpunt yn te nimmen.
It ûntwerp riedsbeslút leit foar jim by de stikken op besjen.
Boargemaster en wethalders fan Boarnsterhim,
de siktaris, de boargemaster,
P.H. Starreveld. B.G. Holtrop.
0060V 13
