-12-
Der wurdt sein dat de gemeente Ljouwert hoeden en sekuer mei
dizze mateerje omgean wol sadat der foldwaande romte oerbliuwe
sil foar it gymnasium. Ek is der in ynspraak- en oerlisprosedure
fêstlein. Dat nimt dochs de soargen net wei.
Ljouwert tinkt oan in tal skoallen fan 500 k 600 learlingen
dêr't alle rjochtingen yn sitte.
Men seit dat fan massaliteit gjin sprake is. Har fraksje mient
dat der dan krekt wol sprake is fan massaliteit. Alles wurdt op
in bul te fage. We sizze wol sa moai dat alle bern de kans hawwe
moatte om harren te ûntjaan. Se is fan miening dat troch alles
yn ien skoalle hawwe te wollen der in ienheidswoarst foarme
wurdt. Twa kategorieën rinne de kâns harren ûntjouwing mis te
rinnen. De learlingen fan it L.B.0. en it gymnasium drige
derunder te strûpen. Derom is har fraksje foar in selstannich
gymnasium en dat it yndividu net opgean mei in te grutte massa.
De hear Dotinaa tinkt dat der foar it karakteristike gymnasium-
ûnderwiis foldwaande romte oer bliuwe sil. Hy kin it dêrom wol
iens wêze mei it kolleezje.
De hear Har Baan fynt it spitich dat sa'n kategorale skoalle
as it gymnasium ferdwine sil. Net allinne fanwegen it feit dat
dizze skoalle dochs altiten wol in unyk plak ynommen hat mar
benammen omt it mear temjitte komt oan it faak better
funksjonearjen fan lytsere skoallen.
Wethâlder Bloem seit dat guon riedsleden wol en oaren net it
iens binne mei it kolleezje. It kolleezje hat der betrouwen yn
dat yn de gemeente Ljouwert op in hoeden en sekuere wize wurke
wurdt. Se tinkt dat wy letter de gemeente Ljouwert mooglik
oansprekke kinne op arguminten dy't men der hantearret. It is en
bliuwt in eigen ferantwurdlikheid fan in gemeente om oer syn
eigen skoallen te beslissen en dêrom moatte wy op in beskieden
wize réagearje.
Se tinkt dat we as we hjir oer prate tagelyk prate oer de
problemen fan it totale fuortset ûnderwiisDe gemeente Ljouwert
stiet dêrom ek in totale oplossing foar, net allinne foar ien
ûnderwiisfoarm mar foar alle.
It is terjochte dat der útgongspunten binne dy't oan'e iene kant
te krijen hawwe mei de ûntjouwingsmooglikheden fan alle
learlingen en oan'e oare kant mei de organisaasje fan'e
skoallen. It kolleezje hat der noch gjin yndruk fan hoe't it der
ut komt te sjen mar sjocht wol dat Ljouwert besiket in antwurd
te jaan op de problemen yn it fuortset ûnderwiis. De
lytsskealigens is it béste te ferdigenjen fanút in tal dêrop
taspitste útgongspunten.
It kolleezje, sa as earder sein, hat genoch betrouwen yn de wize
dêr't de gemeente Ljouwert dizze saak op oanpakt. We bliuwe op'e
hichte fia it wethêldersoerlis yn'e regio noard.
Dêrnei wurdt sûnder persoanlike stimming neffens it útstel
besletten.
Utstel om in meiwurkinasbeslút te nimmen en in kredvt beskikber
te stellen foar it oantuaien fan grut boartersmateriaal foar
basisskoallen foar iepenbier- en bvsûnder ûnderwiis.
0063V
