- 7 -
De hear S. Bouma seit dat ek syn fraksje him posityf opstelle
sil alhoewol dat bart fanut in oare ynfalshoeke as dy't it
kolleezje hat.
Syn fraksje is fan betinken dat der no al fêst op grûn fan
artikel 21 WRO in tariedingsbeslut nommen wurde kin. Dêrnei
kinne de plannen fan de fa. Kooiker dy't noch yntsjinne wurde
moatte ynhâldlik besjoen wurde en kin de rie op grûn fan
artikel 19, lid 3 WRO dêroer beslisse.
Dit stânpunt hat syn fraksje al ynnommen yn it twadde
fraksjeberie en de twa brieven dy't jûn op'e tafel lizze hawwe
der neat oan óf- of tadien. De hear Kooiker hat no boppedat ek
in hurde garânsje ôfjûn oangeande it fuortbestean fan de
wenbestemming fan it pân Stasjonswei 38.
De hear Volberda seit dat syn fraksje achter it kolleezje stean
bliuwt.
De hear Van der Baan bliuwt it frjemd finen en ek net winsklik
om yn ien kear fêststelde wenbestemming, en dat hat hiel wat
ynvestearrings koste, te feroarjen.
Hy kin yn dit fegal gjin wichtige arguminten fine om it
bestemmingsplan oan te passen. Hyltiten wer wurde der oare
arguminten oandrûgen en krekt dat hyltiten feroarjen jout him
te tinken.
Hy hie leaver sjoen dat festhalden wie oan it bestimmingsplan
benammen ek omt hy bang is foar presedintwurking.
No't it sa rûn is kin hy dochs wol it utstel fan it kolleezje
stypje.
Wethâlder Breeuwsma seit dat oer it fersyk fan'e fa. Kooiker
hiel wat oerlis west hat en no is der al in tredde
kolleezje-utstel. It is spitich dat de fa. Kooiker faak op it
leste momint krekt foar in gearkomste brieven skriuwt. De hear
Van der Baan hat itselde sein as yn'e Sfdieling. Hy kin de hear
Nieuwdam wol folgje yn dy sin dat ek it kolleezje no earst
wolris krekt sjen wol hoe't de bou-oanfraach fan'e fa. Kooiker
wêze sil. Hy is wol fernuvere oer it ferhaal fan de hear Bouma.
Yn'e ôfdieling sei er noch dat it bestimmingsplan net wizige
wurde moatte soe.
Hy konkludearret dat hy him fine kin yn itjinge de hear
Nieuwdam sein hat. It kolleezje hat perfoarst net negatyf tsjin
de ûntjouwing fan it bedriuw Kooiker oer. It gong en giet der
om dat de Stasjonswei in wenbestimming en de Oedsmawei in
yndustrybestimming hat. Hy hopet dat dat ek it útgongspunt foar
de rie bliuwt.
De hear SBouma seit dat hy neat heard hat oer it utstel fan
syn fraksje, wylst it neffens him gjin ûnrjocht docht oan'e
bewenners en tagelyk wurdt dudlik makke oan'e fa. Kooiker dat
we wol meiwurkje wolle mar dan ûnder in tal betingsten dy't sy
sa stadichoan wol ynskatte kinne.
De voorzitter denkt dat de standpunten van PvdA en WD op
elkaar aansluiten behalve dat de WD nu alvast een
voorbereidingsbesluit wil nemen.
Wethâlder Breeuwsma wol graach dat it kolleezje-útstel stipe
wurdt mei de positive opstelling sa as troch de hear Nieuwdam
ferwurde.
0064V 54