GEMEENTE BOARNSTERHIM
43. Utstel om it fêststellen fan in
plan fan nije iepenbiere en bysûn-
dere basisskoallen benefter te
litten.
Oan de gemeenteried.
Grou, 16 juny 1989.
Yn jimme gearkomste fan 20 maart 1984 hawwe jimme, ûnder
wurklistnûmer 27, besletten om de iepenbiere beuker- en legere
skoallen, dy't op 1 jannewaris 1984 yn ús gemeente oanwêzich wiene,
yngeande 1 augustus 1985 om te foarmjen ta 12 iepenbiere
basisskoallen. Derby is der fan út gien, dat 12 iepenbiere
basisskoallen goedernôch binne om it iepenbier ûnderwiis yn ús
gemeente te folgjen. By dat riedsbeslút is teffens in spriedingsplan
fan'e iepenbiere basisskoallen oer de gemeente tafoege. It
riedsbeslut fan 20 maart 1984 is op 26 juny 1984 troch Deputearre
Steaten fan Fryslân goedkard.
Neffens de Wet op it Basisûnderwiis kin in nije iepenbiere en in
bysûndere basisskoalle allinne bekostige wurde, wannear't dy skoalle
foarkomt op in plan fan nije skoallen, dat foar de oanbelangjende
gemeente feststeld is. Yn dat ramt moat de gemeenteried alle jierren
in plan opstelle, dat 3 skoaljierren efterinoar omfiemet. Yn dat
plan wurdt oanjûn hokker iepenbiere en bysûndere skoallen oan it
begjin fan it earste skoaljier en hokker skoallen letter foar
bekostiging yn oanmerking komme sille. Dat plan moat goedkard wurde
troch Deputearre Steaten.
De planproseduere, dy't yn dat ferbân foarskreaun is, is dellein
yn'® kêsten 53 oant en mei 64 fan de Wet op it Basisûnderwiis. De
planproseduere skriuwt ûnder oaren foar, dat boargemaster en
wethâlders foar 1 july oan'e ried utstelle om iepenbiere skoallen yn
it plan op te nimmen. Fierders kin it foechhawwende gesach fan in
bysûndere skoalle foar 1 april de gemeenterie it fersyk dwaan om
harren skoalle yn it plan op te nimmen.
Yn kist 63 fan de W.B.U. wurdt lykwols bepaald, dat it fêststellen
fan in skoalleplan benefter bliuwt, wannear't gjin fersiken foar
opnimming yn it skoalleplan ynkommen binne of de gemeenteried
besletten hat, dat it fermearderjen fan it tal iepenbiere skoallen
yn'e planperioade net nedich is om foldwaande iepenbier ûnderwiis
folgje te kinne. Ek dat beslut moat goedkard wurde troch Deputearre
Steaten.
Nei oanlieding fan it boppesteande diele wy jimme mei, dat gjin
oanfragen, lyk as bedoeld yn kêst 63 fan de W.B.U. ynkommen binne,
wylst wy fierders, mei achtslaan fan it spriedingsplan fan
iepenbiere basisskoallen yn ús gemeente - ek mei it each op de
üntwikkeling fan it tal learlingen oan'e iepenbiere basisskoallen -
fan betinken binne, dat foarearst gjin fermeardering fan it tal
iepenbiere basisskoallen yn ús gemeente nedich is.
0064V
