- 9 -
Hy hopet dat de problemen dy't foar guon bedriuwen ûntsteane
oplost wurde kinne. Dit nije bedriuwsterrein sil posityf bydrage
oan'e ûntjouwing fan Grou.
Ek oan'e wettersport wurdt temjitte kommen trochdat de brêge op
2.50 meter komt te lizzen.
Wethêlder Breeuwsma konkludearret dat útsein de hear Van der
Baan de rie tige posityf tsjin it útstel oer stiet. It giet om
in tige yngripende saak, der stiet hiel wat op it spul. It is
dêrom tige wichtich dat dy ferantwurdlikens meininoar nommen
wurde kin. Der wurdt ynspile op in gelegenheid dy't him noch mar
koartlyn foardien hat. It kolleezje en de rie binne fan gedach
ten dat dizze kâns grepen wurde moat.
Grou, dat aanst ek oan de dûbele RW 32 lizze sil sintraal yn
Fryslân, hat no gjin yndustryterrein foar hannen. Dat freget
fansels wol om maatregels.
Wat dat oanbelanget moat dizze mooglikheid realisearre wurde. It
is uteraard sa dat wannear't de provinsje ûnferwachte net mei in
bydrage komt fan in miljoen gûne is it risiko te grut en kin it
plan net trochgean.
Hy seit dat der nochris mei de hear Van Gorkum oer in oplossing
praten, wurde sil. It is wol sa dat Van Gorkum no net oan in
lisoever leit.
De hear Van der Baan doart it net oan om it útstel te stypjen.
As it goed ôfrint hearre we neat, mar as it misrint sil de hear
Van der Baan wol sizze dat hy it al fan te foaren sein hat dat
it risiko te grut wie.
Der sil noch besocht wurde om de houten brêge heger te lizzen
sadat der noch mear boaten ûndertroch kinne. Lykwols is it in
probleem dat de opritten net te lang wurde meie.
Mei de bedriuwen dy't miskien in skeaklaim yntsjinje wolle sil
praten wurde om dochs in befredigjende oplossing te krijen.
De hear Nieuwdam fynt it spitich dat ien lid fan'e rie êfheak-
ket. Dyjinje moat him goed realisearje dat it no of nea is. It
giet om in qrûnbedriuw en in bedriuw hat yn him dat der altiten
eat fan risiko's nimmen yn sit.
Hy fynt dat it beswierskrift fan de hear Van Gorkum honorearre
wurde moat. Der moat op in adekwate wize foarsjoen wurde yn'e
problemen fan de hear Van Gorkum noch foarútrinnend op it oan-
wizen fan lisplakken yn it ramt fan'e lisplakkenoardering.
De hear Van der Baan seit dat it foar him net sa mar wat west
hat om tsjin te stimmen. Hy hat der hiel lang oer prakkisearre
en in swiere ôfwaging makke. It docht him ek sear dat hy as ien-
nichste lid sizze moat dat hy it net oandoart. As it beslút
aanst nommen is sil men him der net mear oer hearre.
Wethâlder Breeuwsma seit ta dat it kolleezje besykje sil de saak
fan de hear Van Gorkum op te lossen. Hy kin no net sizze op
hokker wize dat barre sil.
Hy fynt dat de heer Van der Baan yndied seis ferantwurdlik is
foar wat hy wol. Hy nimt de útlis fan de hear Van der Baan dêrom
fierder foar kundskip oan.
Vervolgens wordt zonder hoofdelijke stemming conform het voor
stel besloten.
De fractie van de F.N.P. wil geacht worden te hebben tegen
gestemd.
0070V 9