-6-
Hy wol der noch oan taheakje dat syn fraksje net graach wol dat
der takom jier noch dingen út'e doarpsfernijing betelle wurde
dy't der neat mei te krijen hawwe.
Hy hopet dat it jild dat der foar 1990 is ek wier yn dat jier
útjûn wurde kin.
Yn'e fjirde ôfdieling hearde hy dat it "reade boekje" al
ferêldere wêze soe. Hoe sit dat krekt.
De hear Van der Baan seit dat syn fraksje der mei ynnommen is
dat der in ferbettering fan mooglikheden foar de lytse
wettersport komme sil en dat de Swin-Swetteferbining realisearre
wurde sil.
Foar dat leste wurdt jild út'e pot foar Jirnsum, Wergea en
Aldeboarn helle. Hy freget oft dy doarpen dat jild letter ek wer
werom krije. Dan is der noch wat betizing oer it "reade boekje".
Pleatslik Belang Reduzum ferwachtet dat der mooglik wat fan har
plannen dy't fêstlein binne yn'e nota "Reduzum 2000" yn it
boekje opnommen wurde sille. Yn'e oantekens fan'e fjirde
ôfdieling fynt hy dat net werom.
Der wurdt fan de Pleatslike Belangen nochal wat ferwachte by de
gearstalling fan'e dorpsfernijingsplannen. Mar yn'e gruttere
doarpen sjocht men dêr gjin kans ta om seis mei plannen te
kommen
Yn oktober hie de saak al run wêze moatten en it is dan ek
spitich dat de Pleatslike Belangen it reade boekje net krigen
hawwe. As it kommende jier op'e nij de plannen foar oktober
ynlevere wurde moatte moat de ynspraak al fier foar oktober
plakfine.
Wethêlder Breeuwsma seit dat de fraach fan de hear Bethlehem der
op del komt oft de plannen ek echt sa útfierd wurde as no
oanjûn. Guon ûnderdielen binne foar útfiering ôfhinklik fan
subsydzjes. Soms wurdt der in plan trochskood en soms wurdt der
jild foar twa jier tagelyk brûkt.
It is net de bedoeling dat jild foar de doarpsferni jing earne
oars foar brûkt wurdt. Mocht dat al sa wêze dan giet dat net
sûnder ynstimming fan'e rie.
Yn'e fjirde Sfdieling is utlein wêrom it "reade boekje" feroare
is.
Der binnen op't heden trije kearnen dêr't hurd oan'e
doarpsfernijing wurke wurdt en dat binne Aldeboarn, Jirnsum en
Wergea. Yn Jirnsum is al in wurkkommisje oan'e gong en ek yn
Wergea stiet dy der oan te kommen.
It belied foar de lytse kearnen moat goed strukturearre wurde
sadat it jild dat dêr foar út lutsen is goed bestege wurde kin.
Der is in ynventarisaasje troch gemeentewurken makke fan alles
wat der yn'e lytse kearnen barre moat. De ynspraak dêryn is noch
net offisjeel bard mar al wol offisjeus. As der echt saken ta
útfier komme kinne moat der noch goed oerlis oer fierd wurde.
De hear Bethlehem freget oft der meikoarten in mearjierrenrüzing
komme sil dy't wer by de tiid is.
0075V 14