-10-
Voorstel tot wiiziaina van de gemeenschappelinke regeling
O.L.A.F.
De hear Renia seit dat hy by de ynkommen stikken de besluteleas
heid op bestjoerlik mêd halden hat neist wat de boargers sjen
litte. No leit hjir it útstel om it tal leden út te wreidzjen ta
it tal fan'e dielnimmende gemeenten.
Op himsels is dat prima, elts wurdt mei feantwurdlik en it
betsjut in fergrutting fan it betsjoerlik draachflak.
Oan'e oare kant is in Poalske lândei ek in bekind ferskynsel en
is yn Fryslên ek noch de útdrukking: op syn alventritichst. Hy
hopet dat dizze wurden net fan tapassing wêze sille op it
betsjoer fan it O.L.A.F. en dat it net op syn ienentritichst
gean sil.
De hear Breeuwsma slút him oan by de wurden fan de hear Renia.
Hy fynt it wol frjemd dat it hjoeddeistige bestjoer net fierder
ta besluten kommen is en dat men no ek noch útwreiding fan it
tal leden útstelt. Hy tinkt dat it wolris goed wêze soe dat de
gemeenten der ris mei elkoar oer praten oft it O.L.A.F. wol
bestean bliuwe moatte soe. It is yn'e praktyk in toulûken tusken
provinsje en O.L.A.F. Ien deputearre moast al belies jaan en der
hoecht net folie te barren of mei in twaddenien bart itselde. It
soe net goed wêze as de prvinsje Fryslên net mear beslútfeardich
wêze kin. Hy fynt dat it ôffalprobleem net in gemeentlike, ek
net in provinsjale mar in ynterprovinsjale oangelegenheid is. It
O.L.A.F. soe net sa trochgean moatte mei yn it lyts te tinken.
Hy trunet it kolleezje oan te befoarderjen dat it ôffalprobleem
yn in grutter ramt besjoen wurdt.
De hear Van der Baan fynt dat de P.v.d.A.-fraksje as dy mient
dat 31 bestjoersleden liede kin ta noch mear besluteleasheid dan
ek net akkoart gean moat mei it útstel. Hy tinkt ek dat 31
bestjoersleden te folie is en dat in bestjoer dan net maklik ta
in útdrûgen saak komme kin.
Hy fynt it in tryste saak dat we yn Fryslên net bij steat
binnen in oplossing te finnen foar de stoart.
Hy soe graach witte wolle hoe't it kolleezje en de oare fraksjes
tinke oer de útwreiding fan it tal bestjoersleden.
Wethêlder Nieuwdam wol it útstel graach yn twaën behannelje.
Op 29 juni al, foar't de A.V.I. Ljouwert sluten is, is it útstel
om it tal bestjoersleden ta 31 út te wreidzen yn it O.L.A.F.
behannele.
Der binne fraachtekens by de organisaasje fan it O.L.A.F. en
fanút de ried is opmurken oft it O.L.A.F. mei 31 minsken noch
wol te bestjoeren is. Hy tinkt dat it dochs wichtich is dat alle
gemeenten yn in rjochtstreekse foarm fertsjintwurdige binne.
Dêrmei wurdt te foaren kommen dat ynformaasje net út'e twadde
hân komt. De gemeentlike fertsjintwurdiger is as sadanich ek
direkt oansprekber. Hy tinkt dat der yn elts gefal troch it nije
bestjoer fan it O.L.A.F. praten wurde sil oer de organisaasje
fan it bestjoer.
0096V
