-2-
Nettsjinsteande dat bliuwt it saak alert te bliuwen, fral it
ôffal yn'e grize jiskepûde foarmet it probleem. Yn ús gemeente
stabilisearret it tal jiskepûden, mar no al is dúdlik dat it
priiskaartsje de kommende jierren in dúdlike ferheging oanjaan
sil
De hear Breeuwsma seit dat syn fraksje it iens is mei it
betsjûgjen fan adheezje.
Nummer 17.
De hear Van der Baan seit dat it kolleezje oan no ta noch gjin
stânpunt ynnommen hat oer it rapport fan'e ûndersykskommisje. No
komt der op'e nij in skriuwen fan'e behearskommisje. Hy krijt de
yndruk dat der wol op hiel koarte termyn wat barre moat. Hy
freget wannear't it kolleezje no mei in advys nei oanlieding fan
it rapport komme sil.
Wethâlder Nieuwdam seit dat ynkoarten it ûndersyksrapport
behannele wurde sil. It brief sil by de begrutting 1991 yn
skôging nommen wurde.
Nummer 18.
Frou Veldstra freget wat it kolleezje mei dizze oanfraach tinkt
te dwaan. It Bureau Slachtofferhulp freget in jierlykse bydrage
om har wurk trochgean te litten.
Subsydzje fan'e gemeenten is tige wichtich foar harren, omt it
wurk oars stopje moat. Dat soe tige spitich wêze, temear omt dit
it ûnderdiel is fan it takenpakket fan plysje en maatskiplik
wurk.
Slachtoffers hawwe rjocht op begelieding.
Har fraksje is fan betinken dat de oanfraach honoreare wurde
moat.
Wethâlder Nieuwdam seit dat itjinge frou Veldstra sein hat
meinommen wurde sil yn'e ôfwaging.
Nummer 25.
Frou Veldstra seit dat de F.N.P.-fraksje bliid is dat it fersyk
fan'e Fredesgroep Grou oernommen wurdt. Se is der foar om in
brief nei it regear útgean te litten mei it fersyk om in
algemien ferbod op kearnproeven. Yn dizze tiid fan ûntspanning
tusken east en west is it ûnbegryplik dat der noch hyltiten
kearnproeven útfierd wurde.
Mevrouw Van den Berg zegt dat het C.D.A. het bijzonder op prijs
zou stellen dat de raad zich houdt bij de aan de gemeente
toebedeelde taken. Zij stelt daarom voor dit verzoek voor
kennisgeving aan te nemen.
