-3-
Ek wy fine it spitich, dat ús en ek oare gemeentlike reaksjes net as
sadanich beneamd yn'e nota werom te finen binne.
Lykwols, troch amtlik en bestjoerlik oerlis is ús ynbring wol mei
naam. Praktysk besjoen kinne wy ús ynbring op haadlinen werom fine
yn de antwurdnota.
Jitris waard omtinken frege oer de gearhing fan it plan de Burd en
de saneamde "blauwe zone".
Foar alle dúdlikens, it projekt de Burd siet en sit yn de struktuer-
fisy, sawol op kaart as by de aktiviteiten.
Us opdracht oan de Grontmijfoar in fierdere planútwurking is mei
it riedsútstel dan ek de stjoergroep ûnder eagen brocht.
Ek wy fine it spitich, dat de konkrete ynfolling fan de blauwe zone
noch net ree is.
Dat de struktuerfisy no al in rem lizze sil op de ûntjouwings fan
bygelyks bedriuwen yn dat gebiet is lykwols in misbegryp. Pas nei de
planútwurking binne de effekten dúdlik te sjen, en pas nei de
planologyske proseduere wurde, wêr't dat nedich is eventuele
beheinings yn ûntwikkeling fêstlein yn in bestimmingsplan.
Fansels bliuwt der sa lang as dy konkrete planútwurking der net is,
ûnwissigens foar de bewenners. Krekt dêrom sille wy der op tasjen,
dat mei de neie planútwurking ek op sa'n koart mooglike termyn
úteinset wurdt.
Fansels sille wy rekken hâlde mei de útspraak fan jimme ried, dat
njonken it wen- en rekreaasjebelang ek it ekonomysk belang meiwoegen
wurdt.
Yn oansluting op itjinge sein is yn de riedsgearkomste fan 12 maart
is it goed jitris te sizzen, dat ek de rekreative we arde fan it
Prinses Margrietkanaal bewarre bliuwe moat. It meiwurkjen oan de
plannen foar it Prinses Margrietkanaal sil wat ús oanbelanget dan ek
der fanôf hingje.
Ta eintsje beslút wolle wy noch opmerke, dat wy it antwurd sa as
neamd op side 10 fan de Antwurdnota oer de lizzing fan Warten en
Suwâld "enigszins ongelukkig" formulearre fine. It doarp Warten leit
binnen de grirfzen fan it stêdsgewest, sa as op de kaarten oanjûn is.
It ferliking mei Berltsum giet net op; dat doarp lei yn de
konsept-fisy net binnen de grinzen, en is no wol opnaam. Warten kin,
as de struktuerf isy oannaam wurdt dus ek mei profitearje fan de
neistribbe positive ûntjouwing fan it stêdsgewest.
Koart kriemd binne wy fan betinken, dat it oerlis yn de gearkomste
fan de earste en fjirde ôfdieling gjin oanlieding foar ús is, it
konsept-útstel oan te passen.
Utstel.
Yn ferbên mei it boppesteande dogge wy jimme dan ek it útstel
akkoard te gean mei de Ruimtelijke- economische Ontwikkelingsvisie
op het Stadsgewest Leeuwarden, sa't dit stik yn konsept oan us
foarlein is en ús kolleezje te machtigjen de beide bestjoeroerien-
komsten óf te sluten, ter útwurking dêrfan.
Burgemeester en wethouders der gemeente Boarnsterhim,
de secretaris, de burgemeester,
P.H. Starreveld. B.G. Holtrop.
0095V 42