-2-
De hear Renia herhellet yn't koart syn betooch fan'e foarige
kear
De mearderheid fan syn fraksje is net foar in autobrêge om reden
fan twa saken. Yn't foarste plak om reden fan it hâlden fan in
rjochte line yn it belied fan'e gemeente. Doet de âlde brêge
derút helle waard wie by allegear de gedachte dat der in fyts/
fuotgongersbrêge foar yn't plak komme soe. Dêrtroch soe de
Stasjonswei ûntlêste wurde en dêrfoar hat de provinsje in
miljoen jûn. Op basis fan dizze feiten binne der oan bedriuwen
stikken yndustryterrein ferkocht. Hy is it mei de hear Breeuwsma
iens dat de gemeente ek nei dizze nije bedriuwen ta in swalkjend
belied fiert.
As twadde argumint neamt hy it folgjende.
De autobrêge soe kinne as net dizze gemeente al in jier as wat
sit mei saken dy't net kinne omt der gjin jild foar is.
Dan kin der net samar in heal miljoen ekstra foar in autobrêge
útlutsen wurde. Ek dat soe gjin konsistint belied wêze.
De ôfwaging is dan oft de lést fan'e minsken achter de brêge
opweaget tsjin sa'n grutte útjefte en it belied dat earder
opsetten is.
De mearderheid fan syn fraksje komt ta de konklúzje dat dien
wurde moat wat ûnthjitten is en dat is in fytsbrêge yn'e Rjochte
Grou.
De hear Van der Baan seit dat de oplossing dy't keazen it fan it
omriden om it yndustryterrein hinne net in goede en feilige is.
In protte lju hawwe net yn'e gaten dat der bygelyks om in bern
nei skoalle ta te bringen jierliks 2.400 km omriden wurde moat.
Hy hat der altiten op foarstien dat Grou in sintrumfunksje hawwe
moat en dat komt no dúdlik yn'e geding. Ut'e brieven út Idaerd,
Warten en Wergea docht ek bliken dat de minsken der foar kieze
earne oars hinne te gean. As we ek noch wolle dat Yn'e Lij te ta
ûntjouwing komt dan docht it wol frjemd oan en lit de rekreanten
3 km omride wylst altiten fûn is dat Yn'e Lij te al sa'n ein fan
Grou leiEk de horeka makket beswier en hy kin him dat goed
yntinke
In sterk argumint is ek dat we op den doer dochs net ûntkomme
oan in autobrêge en dan wurdt der no 4 ton foar in fytsbrêge
foar neat útjûn.
Syn fraksje hat in brief stjoerd om de brêge automatyk te
meitsjen. Dêryn wurdt de oanrekkomedaasje dien oan it kolleezje
om de mooglikheden te besjen.
Der binne provinsjes dy't fan it automatysk meitsjen in punt fan
belied meitsje.
De hear Oosterhof seit dat wat de hear Van der Baan sein hat wol
dúdlik is.
Hy wol reagearre op wat de hear Breeuwsma sein hat. Neffens him
hat de hichte fan'e brêge (3.30 m) net ter diskusje stien. De
gemeente kin der net ûnderút.
Syn fraksje stiet, ek sjoen de folie brieven foar in autobrêge
op it stânpunt dat de autobrêge der komme moat.
