-12-
De famylje Bakker hat hyltiten tocht dat it wol goed komme soe.
No is it safier dat it bestimmingsplan fêststeld wurde moat en
no sit de famylje Bakker dochs hiel bot yn'e problemen. Dat de
hear Bakker in ünbehaachlik gefoel hat kin hy him wol yntinke.
Hy stelt út dat der nochris mei de famylje Bakker praten wurdt
oer dizze hiele saak. It is no sa ticht nei it begraafplak
taskood dat de grûn fan'e famylje Bakker krekt net oankocht
hoecht te wurden. De grêft om it begraafplak wurdt hast foar de
helte smeller makke. Hy fynt dat der nochris oerwûgen wurde moat
oft der ek oare mooglikheden binne.
It is wol ferfelend dat alle ferkear fan'e Birstumerdyk no de
Boarnsterdyk wer del moat. Troch it ferkear de tunnel lans nei
de westlike kant fan'e Rykswei te bringen kin de Boarnsterdyk
noch ûntleste wurde. Der sil dan wol hiel bot oan lutsen wurde
moatte. Hy fynt dat dêr wol mei oan'e gong gien wurde moat, it
kin no noch.
De hear Van der Baan seit dat hy him goed fine kin yn'e plannen.
Foar Akkrum biedt it in goede oplossing. Hy sit der wol mei dat
troch dizze oplossing de hear Bakker it slachtoffer wurdt. Hy
tinkt dat as in oerheid taseit dat der oerlis wêze sil en de
famylje Bakker hat ferskate kearen besocht dat te krijen en it
slagget net dan is dat hielendal mis. Hy is it der mei iens dat
der in befredigjende oplossing foar de famylje Bakker fûn wurde
moat.
Wat de Boarnsterdyk oanbelanget hat syn fraksje in oare miening.
It giet him te fier om te sizzen dat de oansluting tusken T35 en
Boarnsterdyk der net komme moat. Hy is bang dat in part fan it
lânbouferkear op'e paralleldyk komt en dat sil ferkearstechnysk
grutte problemen jaan. Sa't it no útfierd wurdt kin ek net it
slûpferkear tefoaren komme wurde. Al mei al tinkt hy dat as der
goede ferkearsremjende maatregels komme tusken de Nesserwei en
de Mienewei dat in goede oplossing wêse kin. Hy wol graach witte
oft der in mooglikheid is dat de dyk troch de tunnel giet sadat
dy oan'e westkant fan'e rykswei útkomt. Hy wol witte oft dat
reëel is, hoe't Rykswettersteat dêroer tinkt en wat dat kostet.
De hear Oosterhof is it der mei iens dat de kontakten mei de
hear Bakker ûnfoldwaande west binne. It is miskien in oplossing
dat it bedriuw fan de hear Bakker saneard wurdt. Hy giet der
foar yn'e pleit dat der troch it akwadukt in ekstra buis giet
sadat it ferkear op'e westkant fan'e Rykswei útkomt.
It lânbouferkear tsjintwurdich is frij heech. De trochgong fan
it fiadukt is 3.30 m. Wurdt it ek mooglik dat it ferkear
rjochting Terherne fia de T35 op'e Feansterdyk komt. Syn fraksje
giet fierders akkoart mei it útstel.
Wethouder Aukes constateert dat de raad met genoegen kennis
neemt van de afwikkeling van de procedure met betrekking tot de
verdubbeling van de rijksweg. Het is een goede ontwikkeling, de
vernieuwde rijksweg vormt een belangrijke schakel in de
noord-zuidverbinding.
