-17-
En dan mei de mienskip ek nochris de grûn skjinmeitsje. Dêr
komt it dan op del.
En no neam ik in oar foarbyld. Dat fan in lytse garaazjehâlder,
dy't syn hiele libben in garaazje hân hat en in jier of wat lyn
de pompen oernaam hat fan'e Esso. No't de garaazjehâlder op in
leeftiid is dat der ophalde wol, syn saakje ferkeapje wol, no
blykt de wearde fan syn pân like heech as de sanearring fan de
grûn him kostet.
Dy man hat syn hiele libben dus foar neat wurke. As je dat hjir
dan neist sette, dan raast it oan'e protters dat soks sa kin.
Ik wit best dat wy as gemeente, as kolleezje foar it blok
sitte. It strookt net mei myn gefoel fan rjochtfeardichheid wat
hjir bart. Ik tink dat der yn'e nabije takomst yn'e gemeente
noch mear fan dit soarte saken binne. It is raar dat je troch
mar genôch oerlêst te besoargjen frij binne fan alle
ferplichtings dy't je eigentlik hawwe.
De hear Breeuwsma seit it mei de hear Benia iens te wezen. Hy
tinkt dat der noch hiel wat oan komt yn dizze gemeente fan dit
soarte saken. It ferfelende fan dit gefal is, en dat meitsje wy
alle kearen wer mei, dat it sa is dat it ûndersyk earst útwiist
fan frij lytse bedragen en as je oan it wurk ta binne skrikke
je fan'e bedragen. Dat hawwe wy ek yn Jirnsum meimakke.
It hat foar Wergea destiids in gelok west dat it bedriuw dêrwei
gongen is. Der is doe in protte subsydzje foar krigen. It
bedriuw is der wei, it hûs moat ferkocht wurde en de grûn moat
saneard wurde. Mar it is wol lêstich dat eigentlik alle kearen
wannear't der earst in opset makke is fan in grûnferskjinning
dan wurdt der oer in lyts bedrach praten en as je oan it
ferskjinjen ta binne wurdt it in enoarm bedrach en rint it yn'e
tonnen op. It kin miskien in sinjaal wêae en sis: "Begrutsje dy
saken dan mar behoarlik heech en bes joch it mar ris rojaler",
oars kom je hyltiden foar dit soarte ferrassings. Mar fierders,
ja, dit moat barre.
De hear S. Bouma seit, it sil dúdlik wêse dat der miskien mear
fan dit soarte gefallen oankomme.
We rinne oan tsjin it feit dat wy hjir de saak skjinmeits je
moatte en dat kostet yndied mear jild dan wy tocht hienen. En
dan kin je wol sizse dat it slim te rûzen is wat it no krekt
kostet, mar as je yn'e ferkeapakte opnimme dat dy man net
oanspraaklik steld wurde kin foar syn fersmoarging dan tink ik
dat de flater by je seis leit. De V.V.D.-fraksje freget him óf
hoe't soks kin. Ik tocht dat ek yn 1984 de slogan: "De
vervuiler betaalt" wol op jild die. It hat ek noch oare
effekten. It pan moat noch altiten ferkocht wurde, alteast de
akte moat noch passearre wurde. Ho moatte wy 47.000,út'e
algemiene reserve helje. As wy it pân sûnt dy tiid op rinte
setten hienen, hie dat net hoegd. Dat binne allegearre
neidielige gefolgen dêr't je ek noch tsjin oanrinne. Wy freegje
ús of hoe't dat kin, dat dy man net oanspraaklik steld wurde
kin foar sa'n fersmoarging. Mar wy sitte oan'e oare kant ek mei
it gegeven dat it oars opknapt wurde moat. Wy kinne it útstel
wol stypje mar wy fine. it wol in beskamsumme saak.
0109V