-21-
18. Voorstel tot huisvesting van diverse Welziinsactiviteiten in de
voormalige kleuterschool "It Beukerhof" te Akkrum.
Frou Ziilstra seit, mei it útstel is de fraksje fan'e P.v.d.A.
ynnommen. Fjouwer organisaasjes, de Stifting Foarwurk, de
Basisedukaasje, Aldereinwurk en it Jongereinwurk Akkrum komme
yn koarte tiid mei in útstel wat ús fraksje in goede saak ta
liket. Wy wolle dit yn prinsipe akkoart ferklearje.
Sa'n 400.000,jout de gemeente om dizze húsfesting no te
realisearjes. We binne der natuerlik noch net. Mar it is wol
sa, der leit noch net in goed plan oer de opset, útfiering en
de finânsjen. Derom moatte wy dúdlik stelle dat dit ek it
einbedrach is wat jûn wurde kin, en dat der ek gjin
ferwachtings mear nei de gemeente ta binne. Der sil noch wol
hjir en der jild fûn wurde moatte, bygelyks út'e subsydzje-
potten.
Lokkich kinne we miskien gebrûk meitsje fan'e J.B.J.-jilden as
wy in convenant sosjale fernijing ôfslute. Oer dy proseduere
hoopje wy hjir ek in beslút te nimmen. De realisaasje fan it
projekt komt yn hannen fan de Stifting Aktiviteitensintrum
Akkrum en ek wurdt it behear goed regele. Wat de tydlike
húsfesting oanbelanget seit ús fraksje dêr net oan mei te
wurkjen. Foarwurk kin earst foarút, de Basisedukaasje wol
ferhuze as alles klear is, it Aldereinwurk hat in tydlike
húsfesting en it Jongereinwurk yn Akkrum, hoe sneu dat dan ek
wêze moat, sil efkes wachtsje moatte mei de aktiviteiten. Wol
wol ik opmerke dat wy de finansjele opset wat swak foenen. Yn'e
ôfdieling is dat wol út'e doeken dien, mar it hie dúdliker west
om't yn it útstel op te nimmen. Dan wurdt yn it stik sein dat
no in wite flek weiwurke is, mar dêroer noch dit. Der is ek yn
Grou in ynspanningsferplichting om in grutte seal te krijen. En
dy wite flek is noch net fuort. Wy geane as fraksje fan
P.v.d.A. der dan ek fanút dat de ynspanningsferplichting der
noch bliuwt. Miskien wol de wethâlder der aanst op anderje,
benammen as bygelyks de plannen Vellinga net trochgean. Dan
noch wat oer de Stifting Aktiviteitensintrum Akkrum, de
relaasje mei de stifting en de Koepelstifting. Wy soenen de
weth&lder freegje wolle, wy binne yn 1987 begûn mei it yn gong
setten fan in belied om in Koepelstifting op te rjochtsjen. Dat
ia foarrich jier bard. Foarwurk is in selstannige stifting
wurden. Is der in relaasje tusken dizze twa, tusken it
Aktiviteitensintrum Akkrum en de Koepelstifting. As dat net sa
is, kin de wethâlder dan ek oanjaan, oft der ek op koarte
termyn yn'e ôfdieling in plan fan oanpak komt oer de
Koepelstifting en wannear't wy dat dan temjitte sjen kinne.
Frou Veldstra seit, it earste part fan it útstel is ûnuntkomber
foar safier it de wolwêzenkoepel oanbelanget. It kolleezje hat
yn it útstel it Aktiviteitensintrum Akkrum keppele oan'e
wolwêzenkoepel, wat wy op himsels net krekt achtsje. It
Aktiviteitensintrum is pas letter op'e hispel kommen. Dêr om
soenen wy it beslút oer it Aktiviteitensintrum leaver útstelle
wolle en ôfwage yn't ramt fan de nije beliedsfisy fan it
kolleezje dat noch op kommende wei is.
0109V 101