-25-
De hear Renia tinkt yn tsjinstelling ta de hear S. Bouma dat it
mekoar net byt. Je kinne no it jild bestimme wat der wie foar
de mienskipssintrum Grou nei Akkrum. Mar dat lit ûnbehindere
dat je as kolleezje noch wol de ferplichting hawwe om in
oplossing yn Grou te sykjen. Hy hat fierders noch in opmerking
oangeande de Radboudskoalle yn Jirnsum. Hy tinkt wol dat it een
goede saak is om by de ferkeap fan de Radboudskoalle oerlis te
hawwen mei Pleatslik Belang Jirnsum. Der lizze bepaalde ideeën
oer wat der wol of net moat. It is ferstannich om der kontakt
mei te sykjen. Hy tinkt net dat de opbringst fan'e ferkeap it
doarp Jirnsum takomt/ want it wie ornearre foar de
Koepelstifting.
De hear Breeuwsma seit, net neilitte te kinnen om hjir op te
reagearjen. Hy fynt net dat je trochgien moatte fan dit is foar
Jirnsum en dat is foar Grou. Der wurde foar bepaalde saken
bedragen foerneard.
De hear Van der Baan seit, út de wurden fan de hear Breeuwsma
te begrypen dat de doelreserves better opheven wurde kinne,
wannear't dat bepaalde plakken tegoede komme soe.
Interruptie: de hear Breeuwsma seit dat de hear Van der Baan
him net hat begrepen.
Wethêlder Bloem seit, ik tink dat ik it útstel fan'e F.N.P.-
fraksje, as it giet om it bestimmen fan de opbringst fan'e
Radboudskoalle, dochs net oernimme kin. Wat hjir op tafel leit
is in totaalferhaal, dêr't in bepaalde dekking socht is. It is
wilens wol bekind dat wannear't it om dit soarte aktiviteiten
giet, dat it dan giet om sneupen en goed sykjen nei jild om te
sjen hoe't wy mei syn allen it plan en de bedoeling fan it
plan, dat dochs foar de hiele gemeente fan belang is,
realisearje kinne.
Dêrom wol ik mei klam pleitsje foar in totaalbenadering en net
de opbringst fan'e Radboudskoalle nei it doarp ta.
Ik tink oan'e oare kant wol dat it fan belang wêze kin om
kontakt mei Pleatslik Belang te hawwen, oer wat dy der
eventueel wolle, no de Koepelstifting der net komt. Oan de oare
kant is it sa dat wy al earder bepaalde gedachten hân hawwe oer
wat der eventueel komme moatte soe.
Ik tink dat wy dy âlde gedachten der wer is efkes byhelje
moatte en ris neitinke moatte wat hawwe wy earder wollen. Dat
wienen dochs meast lytskealige saken, dy't der goed pasje
soenen binnen it gehiel.
Wethâlder Nieuwdam seit, dat hy oannimme kin, heard de reaksjes
fan'e fraksjes, dat wy hjir meiinoar efter steane. Dat dêrmei
nei de groeperingen ta in stikje finansiering yn'e foarútsicht
stelt wurdt, mar dat dêrmei de kous fierders óf is. It hêldt
wol yn dat wy yn de fierdere útwurking noch meiïnoar prate
sille, mar dan prate we net mear oer jild, mar oer hoe't de
saken der fierders globaal útkomme te sjen.
Vervolgens wordt zonder hoofdelijke stemming conform het
voorstel besloten.
0109V 105