-10-
Wy stean no foar de kar om de grûnslagen foar it gemeentlik
hanneljen foar de kommende jierren oan te jaan, om sa te kommen
ta in bestjoersplan foar de kommende 10 jier.
Twa ynfalshoeken spylje hjirby in rol. Yn it foarste plak, ús
minne finansjele posysje ein tachtiger jierren. In jier as trije
hiene wy in dik tekoart op de jierrekken en gjin romte yn'e
begrutting. Oerom ha wy yn'e maaitiid fan 1989 besletten om de
nulline te hantearjen en om tagelyk in ûndersykburo de opdracht
te jaan ús gemeente troch te ljochtsjen. In twadde ynfalshoeke
wie it kolleezje-wurkprogramma, presentearre yn maaie 1990. Dit
befette in fisy nei de takomst, in grut tal winsken en de fraach
oan it kolleezje om it mar út te setten yn'e finansjele
mearjierrenplanning.
Dat moast lykwols wachtsje oant de gemeentlike finênsjen op'e
riiche stiene. Safier binne wy dan no. Om it belied foar de
takomst fêst te lizzen; om de rjochting fan jildstreamen oan te
jaan, wie dêr f er let fan in fisy op'e takomst. In prakkesear-
ploech gong oan'e slach, mar dy koe troch tiidsgebrek it wurk
net dien meitsje; it kolleezje hat dat dien. Dizze fisy as ramt
foar it bestjoersplan leit hjir globaal foar ús, as doelstel
ling fan gemeentlik belied. Us betinken moat in yntegrale
doelstelling wêze; in goed en aktyf miljeubelied. Net allinne de
reiniging, riolearring en Hinderwet (en dat is al hiel wat). Mar
ek mei behâld, en wêr mooglik fersterking, fan'e natuerlike
wearden dy't ús gemeente kent.
Dat ommers is it wat ús gemeente mei de mearwearde jout mei
wenjen en benammen ek rekreaasje rjochting ynwenners. Dat is mei
ús goede infrastruktuer, ús heger foarsjenningenpeil, ús
kapitaal om wenjen en rekreëarjen en dermei de wurkgelegenheid
oan te pongen.
Wy pleitsje dus foar it opnimmen fan in goed aktyf miljeubelied
as yntegrale doelstelling. As men dan it jild op in riiche hat,
en men wit wêr't men hinne wol mei de gemeente, dan is it sinfol
om in ijkpuntental foar it gemeentlik hanneljen yn te bouwen om
it finansjele behear yn'e stringen te hâlden. Dat binne dan wat
earst útgongspunten hieten, en no dan oandachtspunten.
Foarsitter, dat is mar etiketteplakkerij, it is beide kearen
ornearre as ijkpunt. Jo sille dêr dus foarsichtich mei wêze
moatte, want jo lizze in stik takomstich hanneljen fêst.
Us fraksje hat de oandachtspunten wiidweidich besjoen en hifke.
We moatte sizze dat wy mei guon net mei út'e fuorten kinne. Ik
sil se bylêns gean.
a. De pulserende overheid.
Neffens ús is dat hjir fiersten te absoluut stelt, sa't it hjir
beskreaun wurdt, mei de oerheid saken oppakke, dy't in oar lizze
lit. As it dan goed draait, dan mei er it wer út hénnen jaan.
Wy binne der tsjin om soks as ijkpunt foar jo hanneljen te
nimmen, al sil it kolleezje miskien hûnderd kear beswarre dat it
sa absoluut net bedoeld is; skriuw dat dan ek net op.
Wy woenen a. mar ferfalle litte sa it hjir stiet en wy woenen
dan opnimme dat der yn'e gemeentlike perioadieke heroerwaging
fan it takenpakket plakfine sil. Dat hoecht fan ús net ûnder a.
stean te bliuwen, dan kin Onder e. by effektiviteit en
effisjinsje in plak fine.
m r\T7 -y n
