-14-
Ik neam in pear dingen; ik wol dat gewoan hjir op ter tafel
hawwe ûnder oaren in efterstân by ús wegen. Dan prate we oer
hiele hege sifers.
Ik ferbaas my der ek enoarm oer foarsitter, dat dit in folslein
útstel fan it kolleezje is en dat it net in minderhiedsútstel
is. Want ik ha út de V.V.D.-fraksje wolris ferhalen heard dy't
hiel oars wienen dan yn dit stik opmerke. Dat wol ik hjir toch
wol efkes kwyt, want je witte soms net mear wat kant dat je út
moatte. Wêrom is dit net in minderhiedsútstelMar dat sil ik
aanst wol hearre.
Ik krij, hoopje ik, aanst wol in twadde ronde.
Ik wol it hjir earst mar by litte.
De hear Van der Baan seit, wy hawwe hjir in útstel ta
fêststelling fan oandachtspunten oangeande de weroriëntaasje fan
gemeentlike taken en it fêststellen fan'e proseduere dêrfan.
Op himsels hat it dus in frij algemien karakter.
Jo kinne jo der net in bult oanfalle, wannear't jo mei sa'n
útstel komme. Dat blykt yn'e praktyk dus ek wol wat. Ik moat
stelle dat ik eins wannear ik it stik yn earste ynstânsje lês,
my wol fine kin in tal fan útgongspuntenMar dat sil dan ek wol
lizze oan it feit dat de útgongspunten frij algemien halden
binne.
Want jimme lizze op in bepaald stuit de klam op it wenjen, it
wurkjen en it rekreearjen, werby jimme dat stelle, dat it hiel
wichtich is dat in werynrjochting fan'e bebouwde omjouwing, en
dat der in adekwate ûnderhâldstastân komt fan de wenomjouwing en
fan'e wenningen. Ja dat binne allegear saken dêr't wy folslein
efter steane.
Allinne it ynfoljen dêrfan en it konsekwint tapassen fan dit
soarte rigels yn'e praktyk sil mooglik dochs wol hiel wat mear
tûkelteammen jaan as jo op dit stuit ek mar yn'e gaten hawwe
kinne.
It sprekt ús as F.N.P.-fraksje oan dat jimme net allinne de
grutte kearnen oandacht jaan wolle, mar dat ek de lytse kearnen
it oandacht hâlde yn gemeentlike útgongspunten.
Wy tinke dat dit hiel goed is foar in plattelênsgemeente as
Boarnsterhim. Lykwols hienen wy by it wenjen noch wol wat
taheakje wollen. Benammen omdat by it wenjen yn wezen ek in
wichtige faktor is, it ûnderwiis. Ik tink dat wy yn ús gemeente
besykje moatte, om de ûnderwiisfoarsjennings dy't der binnen yn
alle gefallen op peil te hélden. Dat dat ek in saak is dy't wy
as utgongspunt meinimme moatte. Wy hawwe al jierren en jierren
besocht om by de útgongspunten fan it belied te tinken oan de
kategory dy't wy dan de beheinden of de handikapten neame. En
hoewol't wy der al jierren op hammere hawwe, konstatearje wy as
F.N.P. dúdlik dat dat belied net ta stén kommen is, en dat dy
útgongspunten ek net hantearre wurde.
Wy soenen o sa graach wolle dat by dit wenjen yn alle gefallen
dat as inklusief belied taheakke wurdt.
Wy fine dat o sa wichtich want dat is ek in kategory dy't dúdlik
by ús heart en ta us befolking heart. Dy moatte wy deryn behelje
en bybehelje en dy moatte ús omtinken spesjaal hawwe liket ús
ta. Pas dan foldogge wy oan de kwaliteit fan goed wenjen, ek
foar de oaren.
nuntr ia
