-15-
Oangeande de werkgelegenheid, stelle jimme dus ek al dat wy dat
yn in wat grutter ramt binnen it Stêdsgewest besjen moatte.
Ik tink dat dat wol krekt is. Oan'e oare kant moatte wy ús der
net al te folie op blyn staarre, want wy witte dat yn Ljouwert
altyd noch sa'n 27% fan'e befolking wurkleas is.
Dat is in ôfgryslik heech tal en wat dat oanbelanget tink ik dat
dat foar ús as perspektyf net sa oantreklik is.
Hoewol ik wit dat in grut part fan ús minsken hjir yn
Boarnsterhim yn'e stêd Ljouwert wurk fynt.
Mar it is net sa dat wy dêrmei stelle kinne dat binnen Ljouwert
wol in romme arbeidsmerk wêze sil en dat wy ús der op rjochtsje
kinne, dat dat foldwaande wêze sil.
By wurkgelegenheid tink ik dat it altyd noch sa is dat dy mei
schepen wurdt troch dat jo in befolking hawwe dy't yn alle
gefallen op it mêd fan'e kennis, it ûnderwiis, goed foarme is.
Ik tink dat dat miskien wol mear effekt hawwe kin. Yn alle
gefallen moatte wy dat as faktor grif ek meinimme liket my.
Jimme stelle dat it rekreearjen, yn jimme belied in útgongspunt
wêze moat en in oandachtspuntIn wichtich oandachtspunt, dat
bin ik mei jimme iens. It foartsterken fan de toeristyke en
rekreatieve mooglikheden, ja, kwalitatieve ferbetterings fan
foarsjennings yn struktuer, ja, akkoart.
Allinne ik konstatearje dat wy yn'e óf rune jierren dat wy hjir
yn Boarnsterhim wenje dochs net datjinge krigen hawwe wat wy
graach woene. Ik wol neame dat der yn dy of rune 6 jier dochs
hiele negative ûntjouwings west hawwe, dy't wy seis yn'e hân
hienen foar in part, dy't wy net goed ûnderkend hawwe. Dan wol
ik ûnder oaren memorearje dat bygelyks de brêgehichten yn
Rykswei 32 en by de Jirnsumersyl sadanich ynrjochte binne, dat
we sizze dat hat de toeristyske mooglikheden foar Grou, Jirnsum
en Reduzum gjin goed dien. En dan sis ik het sunichjes.
Ik tink dat wy dêr letterlik de boat mist hawwe.
Wannear't ik sjoch nei de Pikmar en de Wiide Ie, dêr't op dit
stuit dochs fan sein wurde moat dat de djipte fan dy wetters ien
fan'e earste easken is dy't we hawwe, dan is dat lange tiid,
lange jierren lizzen bleaun. Mei as gefolch in negatieve ympuls
nei de mooglikheden dy't wy yn dizze omkriten op rekreatyf
gebied dochs wol hawwe.
Dan praat ik noch net iens oer de ellinde as gefolch fan it
rekreaasjeoord.
Ik tink, dat dy saken my gelyk jouwe yn it feit dat de fisy dy't
wy ûntwikkelje wolle yn"e praktyk net goed fertaald is.
Ik hoopje dat de oandachtspunten dy't jimme hjir neame ús ek
werklik heech lizze. Dat wy miene wat wy op in bepaald stuit
sizze. Want wy kinne it wol opskreauwe, mar dan moatte wy it ek
útfiere, dan moat it ús ek earnst wêze.
Ik haw oant no ta de earnst net altyd yn dy saken sjoen.
De algemiene oandachtspunten hienen by de P.v.d.A.-fraksje
beswieren. Ik haw dat yn earste ynstânsje ek sein doet wy de
saak behannele hawwe. Mar ik haw oan'e oare kant ek begrepen dat
dy algemiene oandachtspunten gjin absolute wearde takend wurde
moasten. As dat sa is haw ik der minder beswieren mei. It
betinken dat de P.v.d.A.-fraksje hjir del lein hat, dat wy seker
in utgongspunt as "de klant betaalt" net as absoluut útgongspunt
neame kinne, wol ik hjir ûnderstreekje
0120V
