-16-
Wat it minimabelied oanbelanget, de wurden dy't de hear Renia
deroer sprutsen hat, dy binne my rjocht út it hert grepen. Ik
fyn yndied dat it net sa wêze mei - útgeande fan it belied "de
klant betaalt" - dat wy earst de minima oer de râne triuwe en
dan letter sizze: Wy komme dy helpen. Op dy wize moatte wy
fansels gjin politiek fierre. Dat is net reëel en dat is net
sa't wy dat seis ek sjogge.
De F.N.P.-fraskje fynt dat de oandachtspunten sa't dy hjir neamd
binne, der seker ek by hearre. Mar wat ik it allerwichtichste
fyn en dat ha jo sa krekt ek efkes neamd mei dat wat jo tsjin ús
siktaris sein hawwe doe't jo stelden dat betrouwen de hoekstien
wêze moat fan'e demokrasy. Foarsitter, dat is no krekt wêr't it
hjirre omgiet.
Der wy as gemeente seker ek fan útgean moatte. Dan sis ik dan
moat it ek in oandachtspunt wêze. Ik woe dus graach dat wy yn dy
oandachtspunten oanjouwe, dat wy it werom winnen fan it
betrouwen nei de befolking ta - want dat ha wy ferlern, dêr
moatte wy earlik in wêze - as ien fan'e wichtichste
doelstellings nei foaren helje. Wannear't jimme prate oer in
fleksibele organisaasje, dan sis ik ja, in fleksibele
organiaasje. Mar ik hie eigentlik leaver wollen dat der stien
hie in goed rinnende organisaasje of in goed wurkjende
organisaas je. Dan is der altyd wol ynherint mei dat it ek
flexibel wurket. Mar ik tink dat hiel wichtich is dat wy der
foar soargje dat it allegearre goed rint.
Dan wat it oare oanbelanget. Wy hawwe ek wat de belêstingdruk
oanbelanget yn Boarnsterhim op dit stuit in taak, tink ik. Ik
soe dat ek as oandachtspunt neame wolle. As wy nammentlik as
earste stelles Jonges besykje yn alle gefallen dy belêstingdruk
sa mooglik werom te kringen, dan tink ik dat dat in hiel sûn
útgongspunt is. Want op dit stuit rinne wy it gef aar dat wy
sizze o ja jonges it moat kostendutsend wêze. Dat binne
gefaarlike útgongspunten, omdat je dan op in bepaald stuit hiel
maklik in tsjinst en in organisaasje de frije hân jouwe.
Mar jonges it wurdt djoerder, ach no fijn, de tarieven omheech
en dan binne wy der wer. Ik fyn dat dat net moat. Dat wy as ried
en as kolleezje, dat einliks te foaren kommen moatte. Dat heart
ús útgongspunt te wêzen. Oan't ein, de hear Breeuwsma hat sein
alle politieke partyen dy soenen dit allegearre ûnderskriuwe
kinne. Wy hawwe wat nije eleminten deroan ta. Mar der is ien
ding dat ús as F.N.P.-fraksje nog efkes fan it hert moat. Dat is
nammentlik dat by alles, by it wenjen, it wurkjen en it
rekreearjen, wis ek it fuortsterkjen fan de eigen taal en de
kultuer oandacht ha moat. Ik soe ôfgryslik graach wolle dat it
kolleezje dat oernimt en dat wy dat yn dit gehiel dus ek opnimme.
Dat wienen fan ús kant op dit stuit de saken.
Wat de finansjele kant oanbelanget noch it folgjende, jimme
wolle sûnder mear in kredyt fan 15.000, omdat de ploech
Elf+ dat nedich hawwe soe. It is my net helder op dit stuit
wêrom en werfoar sy dy 15.000,— nedich hawwe. Ik fyn as jimme
mei dit utstel komme, dan moatte jimme ús dúdlik meitsje wêr't
it foar nedich is en hoe't men it brûke wol. Dan ha wy as ried
kontrole oer de utjeften en dan kinne wy ek op ferantwurde wize
dêr in beslút oernimme.
m O ATT 1 C.