-17-
Punt d.
Wolle jimme de "eenmalige vrijkomende fiananciële middelen te
reserveren voor de bestrijding van kosten voortvloeiende uit het
project dat dient te leiden tot het bestuursplan", dan sik ik
nee
Der binne wy op tsjin. Want wy wolle witte wat giet der yn. Dat
witte wy op dit stuit net, dan jouwe wy in frijbrief foar eat
dêr't wy totaal gjin sicht op hawwe.
Dus wat punt d. oanbelanget, sizze wy op foarhân nee. Mar wat c.
oanbelanget wolle wy graach efkes it andert fan it kolleezje
ôfwachtsje
De hear S_jBouma seit, sa lang as de foarige sprekkers besykje
ik it net te meitsjen. It wurd is jûn oan'e ried. Wy hawwe de
hearen ûndersykers de opdracht jûn om ien en oar te ündersykjen
en sy hawwe dat hiel goed dient yn gearwurking mei it apparaat.
Dat mei tink ik wolris efkes memorearre wurde. Der is in sood
tüd, enerzy en jild yn stutsen en der is ek aardich wat
útkommen, teminsten dat ha wy oanskowe kinnen, twa dikke mappen.
Alle ûnderwerpen en alle thema's alles hawwe se by de kop hân.
Feitlik koe de ried it seis ek dwaan, soenen jo sizze. Mar
dêrfoar hawwe wy dy minsken ynhierd.
No is it wer oan'e ried om te sizzen wat hy wol.
Ik tink dat de siteaasje of de gong fan saken sa 't jimme dy
útstelle, it meitsjen fan in bestjoersplan, ús ynstimming hat.
Jimme hawwe der in tal fan yngrediënten foar oanlevere. Der woe
ik efkes bylâns rinne. Bepaalde thema's dy der foarop stean
komme moatte dat binne it wenjen, it wurkjen en de rekreaasje.
By it wenjen dêr ha wy in lytse oantekening.
Jimme sizze dêr, dat jimme in beskieden groei neistribje. Ik
tink dat jimme einliks wat mear moatte, teminsten dat tinkt ús
fraksje. Jimme moatte in bytsje mear neistribje dan beskieden.
As jo beskieden groei realisearre wolle dan moatte jo in bytsje
mear besykje nei te stribjen. Wy witte wol wy hawwe dat seis net
yn e hân. It Streekplan hat ek in tal beheinings, teminsten dy
bringt it mei himt mei.
Der lizze bepaalde dingen yn fêst dy't dat net altiten maklik
meitsje omdat te realisearjen. Mar ik tink dochs dat jo jo derop
rjochtsje moatte om wat mear dan beskieden te wezen. Dan kin it
altyd meifalle en oars kin it noch wol tsjinfalle. Oan'e oare
kant kinne wy ek konstatearre dat it tal ynwenners yn Fryslân al
jierren op itselde is. Dus in soad yllúzjes moatte jo dêr oan'e
oare kant ek net by hawwe. Mar it wurdsje beskieden dat mei fan
us wol in bytsje oandikt wurde. Dan komme wy by it punt wurkjen.
En dan benammen by de léste alinea. Der stiet in stikje oer it
oanlûken fan nije bedriuwichheid. Der moat no acht slein wurde
op de miljeu-aspekten. Dat is op himsels wol wier. Oan'e oare
kant tink ik: Jo moatte fansels alle war dwaan jo gemeente
binnen te heljen. Dat is goed foar elkenien en ek foar de
gemeente. Oan'e oare kant moatte jo der net té folie betingsten
bystelle. Wy woenen der ek omtinken by jaan foar it stimulearjen
foar de besteande wurkgelegenheid en de wurkgelegenheid yn't
bûtengebiet. Dan tink ik benammen oan de agraryske sektor, dat
is ek hiel wichtich. Dab moatte wy al mei al net ferjitte.
