-21-
Jo hawwe gelyk as jo sizze: Ek dêr is it altyd gjin rys mei
rezinen, mar soe dat problemen opleverje, dan sille wy der alert
op weze moatte.
De V.V.D.-fraksje seit as it giet oer dy tema's "van een
bescheiden groei" dat mei fan ús wol wat útbundiger dat mei wol
wat grutter noch wat wiidweidiger wêze. Ik tink dat wat wy hjir
oanjouwe, dat dat it úteinlike risseltaat is. Derby kinne wy ús
bést foarstelle dat je miskien in ynset ha dy net yn earste
ynstânsje rjochte is op in beskieden groei, mar it risseltaat
der wol wêze kin. Ek hjir moatte wy yn alle nuchterheid
f êststelle dat it soms al in hiele haal is om it oantal
ynwenners fêst te hélden. Wy ha hjir sein: Dêr wolle wy ús net
by dellizzeWy fine it dochs hiel wichtich om wol wat groei nei
te stribjen omdat wy dêrfan ferwachtsje dat dêrmei de
foarsjenningen ek in better draachflak hawwe.
Dan komme wy ta de algemiene oandachtspunten.
De algemiene oandachtspunten dy leverje ek de nedige diskusje op
yn dy sin dat bliken docht dat troch de presintaasje tal fan
minsken it idee krije dat it hiel absoluut bedoeld is en
foarsafier wy dat net absoluut bedoele, soenen wy it net neame
moatte. Wy hawwe it dochs neamd om't wy seinen dat it fan
belang is om oan te jaan hokker saken in rol spylje as jo de
gemeentlike taken op'e nij besjogge. Dat wy wol oanjaan moatte
hokker punten wy dan tsjinkomme. Hoe't wy dêr mei omgean, hawwe
wy besocht ûnder dy kopkes oan te jaan. Hoe't wy der úteinlik
mei om gean en hoe't it fertaald wurdt yn definitive útstellen,
dêr komme wy letter op werom.
Mar dochs in oantal punten lizze dan wat swier. Ik tink dat as
ik dy puntsjes bylâns rin, dat wat "pulserende overheid"
oanbelanget, ja oft it kopke der no boppe stiet of net, wy
eigentlik itselde bedoele as wat dêr dochs ek wol neamd wurdt.
Sa út en troch sil in gemeente har weroriëntearje moatte op de
taken dêr't sy mei dwaande is. Wat de útslach fan dy weroriën-
taasje is, wat de reden binne om mei bepaalde aktiviteiten troch
te gean danwol nijer op te pakken, dat is hiel ôfhinklik fan it
moment wêrop dat bart. Ik tink dat wat dat oanbelanget de
aktiviteit op himsels, nammentlik dat men soks sa út en troch
ris dwaan moat, nochwol oerein stiet. Salang 't der hieltiten
nije ferlangens by ús dellein wurde, ferlangens der't wy fan
sizze dy bin eigentlik hiel terjochte, salang 't dêr net
tsjinoer stiet dat der fanút oare bronnen dan ús eigen, ekstra
ympulsen komme om ek dy inisjativen oer te nimmen, tinke wy dat
wy ta dat op'e nij bes jen fan taken komme moatte. Mar uteraard
ek ta in goeie beoardieling fan dy nije aktiviteiten of je dy no
wol sa dwaan moatte.
Dan "de klant bellet". Ik tink as wy it kombinearje mei it
minimabelied ús útgongspunt is dat safolle mooglik
foarsjenningen tagonklik wêze moatte foar minsken. Dat safolle
mooglik minsken gebrûk meitsje kinne moatte fan alderlei
foarsjenningen. Mar dan efkes wer werom nei it earste ferhaal
oer dat jo jo wolris besinne moatte op allehande taken - it kin
bést sa wêze dat je op ien of oar momint der dochs wat mei yn'e
knel komme.
0120V