-23-
Dan wat de tiidsplanning oanbelanget. It moat jimme dúdlik wêze,
ried, dat der op 18 oktober in útstel komt fan it kolleezje. Dat
jimme dan sjen kinne fan wat wy dien hawwe mei al dizze saken
dy't wy hjir yn earste ynstânsje oan jimme oanbean hawwe. En ek
wat wy dien hawwe mei jimme reaksjes dêrop. Dan komt de saak, en
dat wie ek de fraach fan'e hear Breeuwsma, kom no ris in kear
mei dat ferhaal, fertel no ris wat jimme fan plan binne. Dat is
it momint dat it barre sil. Op dat stuit sille wy oanjaan wat
jimme en ek de boarger der foar werom krije, wat dat foar
ferbetteringen oplever je sil. As it dan giet om'e ynspraak, om
de reaksje fan'e befolking op in tal saken, dêrfan wol ik
eigentlik it folgjende sizze.
Fansels is it ús bedoeling om dêr op in sekuere wize mei om te
gean. Lykwols op dit stuit is eigentlik noch net dúdlik te
sizzen oft dat jilde sil foar alle ûnderwerpen dy't dan oan'e
oarder komme sille. Wy stelle us dêrom it folgjende foar: "Foar
de 18de oktober sil der dochs wat mear dúdlikheid wêze oer de
ynhâld fan'e saken en ús bedoeling is om mei it oanbieden dêrfan
ek de ynspraaksitewaasje dúdlik te meitsjen en ek oan te bieden.
Wy wolle dat yn't foar, hifkjen mei de HERO-wurkgroep, dy't dan
mooglik mei ús betinke kin, wat in goeie wize fan fierdere
behanneling is en wat net. Dat liket ús fan belang.
Mar it kin bést wêze dat der Onderwerpen binne dert wy fan
sizze dy freegje net in protte ynspraak dy kinne jo by wize fan
sprekken fan hjoed op moarn ynfiere.
Mar der bin ek saken dy't mooglik wat gefoelicher lizze dy't ek
langer wurk nedich hawwe en dy't wy miskien net iens dit jier al
hielendal útite moatte, mar wer wy fan sizze moatte, dat moat op
in oar momint. Dat sil út de soart útstellen dúdlik wurde.
De finansjele kant fan'e Elf+, de fraach nei wat de bedoeling is
fan dy 15.000,--. Dy is bedoeld foar eksterne stipe dy't wy
tinke nedich te hawwen om dit bestjoersplan definityf yn'e
steigers te setten. It kin ek wêze foar ferbliuwskosten en neam
mar op.
Jo moatte jo ek wolris efkes goed werom lûke. Yn elk gefal om
dat soarte saken giet it dêr.
Dan is der in fraach oer punt e. "de éénmalige vrijkomende
financiële middelen te reserveren voor enz.". Ik tink dat it no
net de bedoeling is om te sizzen: "Minsken dêr nimme wy no dat
beslút oer, om dat dêr en dêr oan te besteegjen". Wat wy hjir
fan sizze wolle, is feitlik: Wy binne no dwaande om de rekkening
fan 1990 of te sluten en om ús ta te rieden hoe't wy dy
presentearje sille. Wat wy no eigentlik sizze is, dat wy it
foarnimmen hawwe jimme gjin dêr neiere útstellen oer te dwaan as
der sprake wêze sil fan in rekkeningsoerskot. Uteraard beslisse
wy dat op dit stuit net definityf. Wy sizze eigentlik fan alle
middels dy't op in stuit frij komme, dy soenen wy eigentlik net
op foarhân al mei bepaalde nije doelen belêste moatte.
Dy soenen wy eigentlik frij hâlde moatte. Foar al dy doelen dy't
wy ús yn it ramt fan it bestjoersplan steld hawwe. It hâldt dus
net yn dat wy sizze dêr komme jimme noait wer oan te pas, nee it
hâldt eigentlik mear yn dat wy fan jimme no it signaal krije
kinne: Dat is in goeie saak en kom der op ien of oar momint wer
op werom. Dat is de ynstinsje fan dat ústel.
0120V
