As de oerheid wat wol dan moat fantefoaren düdlikens jün wurde
kinne oan dit bedriuw. It is in hiel kwetsber bedriuw, dat moat
ek net fergetten wurde. Dus moat der hiel foarsichtich mei dit
bedriuw omgien wurde. Hat it kolleezje him ek óffrege oft it
eins oft it wol mooglik en ferantwurde is op dat plak in loads
fan 1000 m2 te bouwen.
De foarsitter tinkt dat it goed is om fêst te stellen wêr't wy
op it punt fan romtlike oardening op dit stuit steane. De ried
sil in bestimmingsplan fêststelle wolle wêryn de rykswei goed
regele is en op in kwetsber plak sil der wat foar twa bedriuwen
klearmakke wurde moatte. Dat der wol wat mei de hear De Schif-
fart regele is en noch net foar de hear Reidinga spilet yn de
wurden fan de ried in grutte rol. Hy tinkt dat der op dat punt
in misferstan is. It bedriuw fan De Schiffart is ferpleatst nei
Terherne, de grün is yn besit kommen fan de steat. De steat hat
in part fan dy grün ferkocht oan de hear De Schiffart junior.
Mefrou Van den Berg hat gelyk as sy seit dat de bedriuwen fan De
Schiffart en Reidinga elkoar net ferdrage, yn'e takomst net, mar
no ek al net. Dat der wat barre moat, ek yn ferban mei de Hinder
wet is sa düdlik as wat. It kolleezje freget fan de ried in üt-
spraak oer wat der op dat lytse stikje grün barre moat yn'e
takomst. Hy hat de yndruk dat de ried wol mei de filosofy fan it
kolleezje ynstimt. It grutste probleem fan de ried is dat it
kolleezje op dit momint noch gjin oplossing fün hat foar de hear
Reidinga. Fan tafel moat yn elts gefal dat it kolleezje gjin
gefoel hawwe soe foar it bedriuw fan de hear Reidinga, want dat
is perfoarst net it gefal. It kolleezje wol in oplossing fine
foar de hear Reidinga tsjin de achtergrün fan de problemen dy't
de hear Reidinga hat mar ek tsjin de achtergrün fan it fêststel-
len fan it bestimmingsplan. It is ünsin te tinken dat as de ried
in bestimmingsplan fêststelt alle problemen al oplost wêze
moatte. As de hear Reidinga ünder it oergongsrjocht pleatst
wurdt jout de ried eins himsels de opdracht in goede oplossing
foar de hear Reidinga te finen. De gemeente seit ek, dat is de
konsekwinsje fan it oergongsrjocht, dat in oplossing socht wurdt
foar de finansjele konsekwinsjes fan in bedriuwsferpleatsing. It
koleezje is by steat in oplossing te finen. Dêrta is it nedich
dat de beide partijen antwurd jowe op fragen. It kin dan bést
wêze dat jo wiken neat fan elkoar hearre, mar minsken moatte ek
de kans en de tiid hawwe nei te tinken. It kolleezje hat alle
begrip foar de halding fan de hear Reidinga. De foarsitter seit
dat hy him wol yntinke kin dat guon riedsleden net sa gelokkich
binne mei it oergongsrjocht yn dit gefal. Mar de hear Reidinga
hat mear kansen op in goede fuortsetting fan syn bedriuw ünder
it oergongsrjocht dan op in boublok op it plak dêr't hy no sit.
It gemeentebestjoer moat ek de man dy't beskieden kloppet op in
knappe manier helpe. It kolleezje is dat fan plan. Foarütskowen
fan dit ütstel is net ferstannich omt de ried mei it oannimmen
fan dit ütstel krekt foar de hear Reidinga in sitewaasje kreëart
wêryn op in adekwate wize socht wurde moat om in oplossing.
De hear Breeuwsma is wiis mei it antwurd fan de foarsitter. Syn
fraksje stiet achter it bestimmingsplan foar Rykswei 32, dêr
leit it him net oan.
N0T27APR.l/H/13
