- 21 -
De foarsitter konstatearret neidat hy de ried dêrnei frege hat
dat alle ütstellen dy't troch de partijen nei foaren brocht
binne de stipe fan 2 as mear riedsleden krije.
De foarsitter slút om 10.10 oere de gearkomste tydlik sadat it
kolleezje de tiid hat syn réaksje op de skôgings ta te rieden.
De foarsitter weriepent de gearkomste om 10.55 oere.
De foarsitter betanket de ried foar de skôgings en foar de
posityf krityske wurden dy't dêryn ütsprutsen binne, al wiene
dat hjir en dêr lykwols stevige wurden en wie somtiden it lykwi-
cht wat fuort. It kolleezje komt mei in stevige begrutting. Hy
fielt út de skôgings stipe foar it finansjele- belied. Dat is in
plesierige konstatearring. It kolleezje is der tige bliid mei
dat der troch de hear Van der Baan sprutsen wurdt oer it har-
monymodel. Dit wapen fan'e ienheid wurdt net altiten like goed
brûkt yn de ried. Hy tinkt dat de harmony, de ienheid in goed
wapen is en mei it brûken dêrfan hoecht net wachte te wurden
oant de ferkiezings. De hear Renia sei dat de skouders derûnder
moatte. It wurk is net ienfâldich en der moat finansjeel en
maatskiplik in swiere kar makke wurde. Ek dat freget om ienheid.
It kolleezje komt nei binnen en nei bûten as ienheid nei foaren.
Yn dy sin is it aardich dat der oan guon leden fan it kolleezje
in plomke jün wurdt. Hy seit mei klam dat it kolleezje as
ienheid dizze stevige begrutting op tafel leit.
De fraksjes fan F.N.P. en P.v.d.A. prate oer de twadieling yn'e
maatskippij en oer de earmoedegrins dy't hyltiten dúdliker
wurdt. Dat binne wichtige wurden en der sprekt soarch foar de
maatskippij út. It kolleezje dielt dy soarch foar de ynwenners
fan ús gemeente mar ek foar de wrâld. Ek it kolleezje hat gjin
kant en klear antwurd klear op dizze drege fragen. Lykwols hat
it kolleezje op alle fronten de kar makke foar wurk. De reade
tried dy't troch de begrutting foar 1994 rint is dy fan it wurk
fan wurk-meitsjen. Wat dat oanbelanget wol hy tsjin de hear Van
der Baan sizze dat de sifers fan'e stêd oars binne as dy fan it
plattelân.
Troch deselde fraksje is ek praten oer de ûnferskilligens dy't
der bestiet. Dêr spruts soarch út foar benammen de jongere
generaasje. Unferskilligens is de boarne fan in protte ellinde.
It kolleezje leit de klam op it tsjinoerstelde nammentlik de
ferantwurdlikheid dy't elts op syn eigen plak hat. Foar it
kolleezje betsjut dy ferantwurdlikheid yn elts gefal dat it
húshâldboekje fan'e gemeente op oarder is. In foarskot op de
takomst soe yn dat ljocht besjoen bestjoerlike ünferskilligens
ynhâlde. It waaksen fan it faksisme dêr't de hear Van der Baan
fan sprekt hat ek alles te krijen mei ferantwurdlikheid. It
ynfollen fan dy ferantwurdlikheid kin foar de ried ek betsjutte
dat der oan guon ynstânsjes minder jild taskikt wurdt. It is te
maklik om te sizzen dat eltsenien syn sinten hâlde moat. It
útstel fan de hear Renia om it iten jün seis te beteljen bes-
jocht it kolleezje as in amendemint. As jün riedsleden ré binne
de aksje foar Bosnië te stypjen dan kin dat fansels.
Dat rjochtfeardigens de grûn fan'e gemeentefinânsjes wêze moat
is it kolleezje mei de hear Van der Baan iens. Hy is it net iens
mei de suggestje om minsken frij te skatten fan'e ferhegings. It
kin net sa wêze dat alles kompensearre wurdt en it moat ek net.
NOTUL.DEC/H/21
