- 28 -
Wat de o.z.b. oanbelanget seit hy dat foar it finansjele pro
bleem dêr't de gemeente no mei sit in ferheging fan 3% net
foldwaande is. Wat de brânwar oanbelanget seit hy dat it hjir om
in bestjoerlike saak giet. Dêryn is it kolleezje ferantwurdlik
en net de twadde kommandant. Hy wol op gjin inkele manier befês-
tigje dat der fanút de brânwar oantrune is op it opheffen fan de
brânwar fan Raerd. Tusken Grou en Akkrum bestiet in süne rivali
teit. Dit ütstel fan it kolleezje wol ek tefoaren komme dat it
op in profesjonele brânwar tagiet. It kolleezje is dêr op mear
as ien punt tsjin. De sinten, mar fral de frijwillichgers dy't
tige entûsjast en effektyf wurkje. Hy is it iens mei de hear
Renia dat de ûndúdlikheid oer Raerd weinommen wurde moat, oars
bliuwt it elts jier in punt fan diskusje. Mei in jongereinwurker
yn Grou is der noch gjin opbouwurk yn Boarnstqrhim. Op dit stuit
is der gjin finansjele romte foar in opbouwurker. It kolleezje
hat net sein dat kapitaals-ynvestearrings it binne as it om wurk
giet, mar se kinne der wol in bydrage oan foarmje. Der moat mear
barre. Dêr hearre ek Foarwurk, ûntwikkeling fan it midden- en
lytsbedriuw, de yndustry, rekréaasje en toerisme by. It kol
leezje sjocht gjin heil yn de kommisje dy't de hear Van der Baan
ynstelle wol. It giet dan fral om de bestjoerlike kant fan de
medalje omt dêr it foech ta it nimmen fan besluten leit. We
komme faker op earder nommen besluten werom en it kin net
allinne foar de brânwar yn Raerd jilde dat ôfspraken neikommen
wurde moatte. It kolleezje hechtet ek oan it lûd fan de basis.
Mar it giet om de organisaasje dy't dêr achter leit. It kol
leezje wol prate mei it fjild. It belang moat troch it fjild, it
partikulier ynisjatyf sjoen wurde. In artikel 61 struktuer fynt
it kolleezje te swier. Ek finansjeel komt it de gemeente goed út
dit oars yn te foljen.
It kolleezje fynt dat der oangeande it ûnderhâld fan diken en
wegen in ynhaalslach plakfine moat. Dêrom kin hy net achter it
ütstel fan de F.N.P. stean. As de F.N.P. gjin ferheging fan de
o.z.b. wol ûntstiet der wol in gat yn de begrutting.
Wethâlder Nieuwdam fynt dat in jongereinwurker wat oars is as in
opbouwurker. Hy seit ta dat de jongereinwurker net fergetten
wurde sil, mar sa't it no liket sil it wol wachtsje moatte op
bettere tiiden.
Wethâlder De Boer seit dat Foarwurk al ferskillende tariven
hantearret. Yn it oerlis mei Foarwurk sil sy prate oer de diel-
name fan oare gemeenten. Se fynt it fan belang dat der goede,
strukturele ófspraken oer it belied ten oansjen fan de âlderen
makke wurde.
De foarsitter slút de gearkomste tydlik om 14.10 oere foar
oerlis yn en tusken de fraksjes.
Hy weriepent de gearkomste om 14.15 oere.
De hear Breeuwsma seit dat foar it trochrinnen litte fan de
brânwar yn Raerd de earste 5 jier allinne mar de lesten opfierd
wurde hoege omt de brânwarauto de earste 5 jier net ferfongen
hoecht te wurde. It stânpunt fan syn fraksje oangeande de goed-
karring fan'e begrutting stiet noch rjocht oerein.
NOTUL.DEC/H/28
