- 5 -
De walbeskoeiïng by de nije kade leit der net al te geunstich
hinne. Der is krekt in nije bestrating kommen en no sitte de
gatten der al wer yn. Ek by it twadde part fan'e dyk is de
walbeskoeiïng striemin.
Mefrou Santerna seit dat der yn'e Master Wybrensdyk tusken Idaerd
en Eagum in grut ferfal sit. Se fynt it tige wichtich dat
foardat mei it opknappen begûn wurdt de oarsaak fan dat ferfal
fûn is sadat it opknappen ek goed barre kin. Dat de diken yn it
bûtengebiet yn beton útfierd wurde liket har hiel goed ta.
De hear Veldstra seit dat dit ütstel it slotstik is fan in
jierrenlange diskusje oer hoe't mei de diken omgien wurde moat.
In protte diken, minne ûndergrûn, in bytsje jild en hyltiten
mear en swierder ferkear. De kar is no dat der flink ynvestearre
wurdt en dat kin omt der jild frijmakke is en de ryksütkearing
heger wurden is. Hy seit dat betondiken by glêdens net feiliger
binne as asfaltdiken, mar de libbensdoer is wol langer en de
ûnderhâldskosten leech. Sjoen alles is it wol in ferantwurde
beslissing om de diken yn beton út te fieren. Trochdat der de
léste tiid in protte nije ryks- en provinsjediken oanlein binne
as wurde kin it measte ferkear dér oerhinne laad wurde. Dat
skilt in protte yn'e lést foar de eigen diken. Syn fraksje kin
ynstimme mei de wize fan ôfskriuwing fan it nedige kredyt.
De foarsitter seit dat it kolleezje de sprekkers betanket foar
de positive wurden. Der kin no in echt ferantwurde kar makke
wurde. Hokfoar ófspraken der yn it ferline ek mei de steat en as
de provinsje makke binne, it kredyt foar de dyk Akkrum-Snitser-
hoeke moat op tafel komme. Hy seit ta dat der oangeande de
Reinerswei ferantwurde ynvestearre wurde sil. Datselde jildt ek
foar de nije kade. Hy seit ta dat oer it twadde part fan it stik
dyk, yn ferbân mei it weisakjen fan de ûndergrûn, noch praten
wurde sil yn'e earste ôfdieling. It liket him wol goed ta it as
programmapunt stean te litten. Hy seit ta dat der ek omtinken
wêze sil foar de oarsaak fan it fersakjen fan de dyk Idaerd-
Eagum. De hear Veldstra prate oer de strukturele problemen dêr^t
ús gemeente mei te krijen hat. Hy hopet dat yn de hjerst fan dit
j ier fêststeld wurde kin dat it op in protte plakken better
wurden is mei de tastân fan de diken. It is ek goed dat it
j ierrenlange gefecht oer de Wet Uitkering Wegen foar ús gemeente
geunstich útfallen is.
De hear Oosterhof warskôget derfoar dat betondiken samar glêd
binne.
De hear Van der Baan hat gjin (foldwaande)antwurd krigen op syn
fraach oer de brêge yn'e Reinerswei en oer de dyk Akkrum-Snitser-
hoeke. By de oername fan dy dyk hat de gemeente in dikke 6 mil
joen krigen. Dér is doe likernôch de helte fan resewrvearre foar
ûnderhâld. Dan is it wat frjemd dat der no f 60.000,00 op dizze
begrutting stiet.
De hear Breeuwsma neamt it gelokkich dat der bes letten is ta
oanlis fan betondiken. It liket poerbêst mei de betondiken dy't
der no al in skoft lizze. It is tige posityf dat it jild út de
WUW no ek wier foar de wegen brûkt wurdt. Dat der aanst mar ien
kear meand wurde sil neamt hy wol nuodlik yn ferbân mei ûnder
oaren de fersprieding fan stikels ensafuorthinne.
NOT15FEB94/H/5
