- 12 -
De hear Van den Berg seit dat syn fraksje him fine kin yn it
útstel. It giet om in foarriedige reaksje. Hy kin ek ynstimme
mei de toansetting fan de reaksje. Benammen foar de diskusje oer
it Stedsgewest is it goed dat Boarnsterhim fanút eigen krêft wei
reagearret. It Stedsgewest sil it ynstrumint wêze dat de measte
kâns jout op in goede oplossing fan de problemen. Hy wachtet óf
wat der út it ûndersyk weikomt. Yn it ûndersyk moat wol hiel
dúdlik nei foaren komme wat no eins it belang is fan in sterke
stêd Ljouwert en dat it Stedsgewest foar alle belutsenen in win-
sitewaasje opsmite kin. It stânpunt oangeande iepenbiere oarder
en feilichheid is foar syn fraksje noch wat in probleem. Demo-
kratyske legitimaasje en bestjoerlike iepenheid binne foar him
hiel wichtich. It is him noch net folslein dúdlik hoe't it
behear fan 'e plysje krekt regele wurde moat. Miskien is it
ferstannich beide scenario's noch ris better yn byld te bringen.
De foarsitter seit dat dit tuskenspul ek noch as einspul yn 'e
ried weromkomt. Der binne in tal wichtige dingen troch de ried
sein. It meast wichtige, sa mient it kolleezje, is it Steds
gewest. De posysje fan Ljouwert moat net ünderskatten wurde, ek
net yn de sin fan de ferantwurdlikheid dêrfoar fan de omlizzende
gemeenten. We binne ferantwurdlik foar elkoar en dat dan net
tsjin de achtergrûn fan in weryndieling. It Stedsgewest moat
dêrom mear, dúdliker en helderder wêze as oant no ta. Boarnster
him moat dêr oan wurkje fanüt syn eigen krêftige posysje wei. In
bettere gearwurking yn it Stedsgewest sil sûnder mis it oerdra-
gen fan foech ynhâlde. Gearwurking sil ek tsjinoarders opsmite
moatte, sa as de heer Jonker sa treflik sei. It bestjoer tich-
teby de boarger, dat is it útgongspunt. Dat jildt ek foar de
plysje. De plysje beweecht him op gemeentlike skaal. Dan moat de
bestjoerlike ynbêding ek op gemeentlike skaal stâl krije. It
kolleezje hat der gjin beswier tsjin dat it korpsbehear nei de
Kommissaris fan 'e Keninginne giet. It gesach sil bliuwe moatte
dêr't it is. It behear moat net yn in opskaling telâne komme
wêrfan de konsekwinsjes no noch net te oersjen binne. By it re
gionaal kolleezje kin dêrfoar in goede útgongsposysje fûn wurde.
Oan de ein fan it jier kin der op 'e nij wer praten wurde oer
wêr't no krekt behear en gesach fan 'e plysje lizze moatte. De
brânwar ferskilt in protte fan 'e plysje. De brânwar hat op syn
minst ien dúdlike gemeentlike komponint. De lokale taken sil
dêrom gjin misferstân oer wêze. By saken dy't de gemeentlike
grinzen te boppe geane is in opskaling, sa fynt it kolleezje, in
goede saak. Oangeande de miljeutaken is it kolleezje it iens mei
de hear De Jager. Hy betanket de hearen Van der Baan en Van den
Berg foar harren wurdearjende wurden oer de toansetting fan de
gemeentlike reaksje.
Vervolgens wordt zonder hoofdelijke stemming conform het voor
stel besloten.
9. Voorstel inzake straatnaamgeving te Akkrum.
Zonder discussie en zonder hoofdelijke stemming wordt conform
het voorstel besloten.
10. Voorstel tot het afwijzen van een verzoek tot het geven van een
straatnaam aan een oprit op het recreatiepark Yn 'e Liite.
Zonder discussie en zonder hoofdelijke stemming wordt conform
het voorstel besloten.
NOTl104/0/H/BROUWERJ/12