- 7 -
No't de begrutting foar ús leit wolle wy begjinne mei in kompli-
mint oangeande de by de begrutting oanlevere oanbiedingsbrief
dy't ûs in helder byld jout fan de finansjele posysje fan de
gemeente
Ear't wy mei de begrutting begjinne liket ús in algemiene
skôging op it ôfrûne jier en nei it kommende jier ta fan belang.
Wy konstatearje dat it ôfrûne jier bestjoerlik sjoen net ta de
béste jierren rekkene wurde moat. Wy hawwe bewûndering foar it
hurde wurkjen fan it kolleezje mar it risseltaat is net nave
nant. Yn it ôfrûne jier binne wy mei tal fan plannen konfron-
tearre. Plannen, dy't in protte opskuor joegen en dan binnen de
koartste kearen in sêfte dea stoaren: plannen binnen de JAG-
trijehoeke, plannen op de Minne Finne, plannen foar Greidewin-
kels. Underwilens konstateare wy dat binnenskeamers (de amtlike
organisaasje) de saken noch net op oarder lizze. Sterker noch:
neffens ús soe it kolleezje der goed oan dwaan om alle enerzjy
te brüken om dat foarelkoar te krijen. Koartsein: Earst binnen,
yn hüs himmelje ear't jo bütenom dogge.
It wiffe lykwicht binnen it kolleezje jout ús soargen. Soks
uteret him dan ûndermear yn it feroarjen en dan opnij feroarjen,
binnen de koartst mooglike tiid, fan de portefúljeynhâlden. It
soe in goede saak wêze at der mear stabiliteit kaam. Wy soene
fan it kolleezje witte wolle om hokker reden dy feroaring wer
ombûgd is?
It oerlis mei de ried soe neffens ús oars moatte. Sletten gear-
komsten liede ta ûntrochsichtbere beslútfoarming en taaste it
iepen karakter fan de demokrasy oan. It komt ek foar dat by
winske oerlis fan de kant fan it kolleezje net oanjûn wurdt wat
der krekt besprutsen wurdt. Wy fersykje it kolleezje tenei
foarôf dat dúdlik oan te jaan.
Om in bettere kommunikaasje te befoarderjen soe neffens de
F.N.P.-fraksje in geregeld oerlis mei de fraskjefoarsitters fan
belang wêze kinne benamnen no't de ried in mearkleurich spektrum
hat. Twad soe it sa wêze moatte dat de tasizzings fan it kol
leezje nei de ried ta fêstlein wurde en alle moannen yn in skema
fan tasizzings neirûn. It plan om geregeldwei mei de befolking
yn petear te kommen, bliuwt efter by de earder oproppen ferwach-
tings. Wat docht it kolleezje no fierder? Komme der opnij pet
earen en wannear?
Op dit stuit is de F.N.P.-fraksje net alhiel gerêst op de rol
dy't it kolleezje takenne wol oan de ried.
Wy binne teloarsteld oer de gong fan saken by in beneamingspro-
seduere, mar sille op dit stuit earst jimme andert op ús skriuwen
ôfwachtsje ear't wy in definityf oardiel jowe.
Wy hawwe it gefoel dat der wat broeit en dat it kolleezje wach
wêze moat en better nei de tekens dy't út de maatskippij komme
harkje moat. Ek dat it kolleezje allerhanne plannen yn'e holle
hat mar him net de tiid gunt om dy plannen rypje te litten en
eigensinnich syn wegen giet. Soks sil ta frustraasje en ferset
liede. De stratezjy om yn gefallen de ried foar it blok te
setten moat feroare wurde. In hoeden en rêstige oanpak, mei de
ynset om yn goed oerlis en yn goede harmony ta risseltaat te
kommen heart útgongspunt te wêzen. Op dy wize sil it kolleezje
op stipe rekkenje kinne fan'e ried en tefoaren komme dat wy
troch gebrek oan bestjoerskrêft willeas slachtoffer wurde fan in
weryndieling. SOKS SOE IT LESTE WEZE MOATTE!!!!!! Ek dy tekens
moat it kolleezje ferstean.
N0T1311/0/H/BR0UWERJ7